ଟିକିରି : ବାଲି ଉଠାଉଥିବା ବେଳେ ହଠାତ ବନ୍ୟା ପାଣି ଆସି ଦୁଇ ଶ୍ରମିକଙ୍କୁ ଭସେଇ ନେଲା | ଜଣେ ଉଧାର ହୋଇଥିବା ବେଳେ ଆଉ ଜଣେ ନିଖୋଜ ଅଛନ୍ତି | ନିଖୋଜ ଥିବା ଶ୍ରମିକର ମୃତ ଦେହ ଉଦ୍ଧାର କଲା ଅଗ୍ନିଶମ ବିଭାଗ । ଘରକାମ ପାଇଁ ବାଲି ଉଠାଉଥିବା ବେଳେ ହଟାତ ବନ୍ୟା ପାଣି ଆସି ଦୁଇ ଶ୍ରମିକଙ୍କୁ ଭସେଇ ନେଇଯାଇଥିଲା |
ରାୟଗଡ଼ା ଜିଲ୍ଲା କାଶୀପୁର ବ୍ଲକର କୁଟିଙ୍ଗଗୁଡ଼ା ଗାଁ ନିକଟ ନଈରେ ୪ ଜଣ ମହିଳା ଶ୍ରମିକ ବାଲି ଉଠାଉଥିବା ବେଳେ ଉପରମୁଣ୍ଡ ବର୍ଷାହେବାରୁ ହଠାତ୍ ବନ୍ୟା ପାଣି ଆସିବା ଯୋଗୁଁ ଦୁଇ ଶ୍ରମିକ ମଞ୍ଜୁଳା ମାଝି ଓ ସୁକାଇ ମାଝି ଭାସି ଗଲେ | ସାଙ୍ଗରେ ଥିବା ଅନ୍ୟ ଶ୍ରମିକମାନେ ଶୁକାଇ ଙ୍କୁ ଉଦ୍ଧାର କରିବା ରେ ସଫଳ ହୋଇଥିଲେ କିନ୍ତୁ ଆଉ ଜଣେ ମଞ୍ଜୁଳା ମାଝି ନିଖୋଜ ହୋଇଗଲା। କୁଟିଂଗୁଡା ର କିଛି ଯୁବକ ଓ ଖବର ପାଇ କାଶିପୁରସ୍ଥିତ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଖୋଜ ଶ୍ରମିକ ମଞ୍ଜୁଳା ମାଝିଙ୍କ ମରଶରୀର ଉଦ୍ଧାର କଲେ ଏନେଇ ଟିକିରି ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରୁଛି। ଏନେଇ କାହାର ପ୍ରତିକ୍ରିୟା ମିଳିପାରିନାହିଁ।
