କୁକୁଡାଖଣ୍ଡି,୧୮/୮/୨୩: ନିମଖଣ୍ଡି ଥାନା ଅନ୍ତର୍ଗତ ଗୁରୁଣ୍ଠି ପଞ୍ଚାୟତର ପୁରୁଣା ଯୋଗିଆପଲ୍ଲୀ ଗ୍ରାମରେ ପାୱାର ଟ୍ରେଲର ଟ୍ରାକଟର ତଳେ ଚାପି ହୋଇ ଜଣେ ଚାଷୀ ଘଟଣା ସ୍ଥଳରେ ମୁର୍ତ୍ୟୁବରଣ କରିଥିବା ସୂଚନା ମିଳିଛି ।ସୂଚନା ପ୍ରକାରେ ମୃତ ବରଣ କରିଥିବା ଚାଷୀ ଜଣକ ହେଉଛନ୍ତି ଗୁରୁଣ୍ଠି ପଞ୍ଚାୟତ ଅନ୍ତର୍ଗତ ପୁରୁଣା ଯୋଗିଆ ପଲ୍ଲୀ ଗ୍ରାମର ଜମି ମାଲିକ ଭୀମସେନ ପାଢ଼ୀ । ମିଳିଥିବା ସୂଚନା ଅନୁଯାଇ ଭୀମସେନଙ୍କ ଚାଷ ଜମିରୁ ପାୱାର ଟ୍ରେଲର ଟ୍ରାକଟର ହୁଡ଼ାରେ ଉଠାଉଥିବା ବେଳେ ହଟାତ ଡ୍ରାଇଭରଙ୍କ ହାତରୁ ଖସି ଜମି ମାଲିକ ଭୀମସେନଙ୍କ ଉପରେ ଚଡ଼ି ଯାଇଥିଲା। ଯାହା ଫଳରେ ଭୀମସେନ ପାଢ଼ୀ ଘଟଣାସ୍ଥଳରେ ହିଁ ମୁର୍ତ୍ୟୁବରଣ କରିଥିଲେ ।ତେବେ ଏହି ଘଟଣା ପରେ ନିମଖଣ୍ଡି ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ ମେଡ଼ିକାଲ ପଠେଇବା ସହ ଥାନାରେ ଏକ ୟୁଡି କେସ ରୁଜୁ କରି ତଦନ୍ତ ଜାରି ରଖିଥିବା ନେଇ ଥାନା ଅଧିକାରୀ ଭାବାନନ୍ଦ ପ୍ରଧାନ ସୂଚନା ଦେଇଛନ୍ତି ।
