ଫୁଲବାଣୀ : କନ୍ଧମାଳ ଜିଲ୍ଲାର ବରିଷ୍ଠ ଆଇନଜୀବୀ ଭଗବାନ ମହାନ୍ତିଙ୍କ ସ୍ଥାନୀୟ ପେଞ୍ଜିସାହି ବିଦ୍ୟାଳୟ ସମ୍ମୁଖରେ ଥିବା ରାଜ ରାସ୍ତାରେ ଦୁର୍ଘଟଣା ଘଟିଛି l ସ୍ତାନୀୟ ଲୋକଙ୍କ ସହାୟତାରେ ତାଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି l ତାଙ୍କର ଆଶୁ ଆରୋଗ୍ୟ ପାଇଁ ଓକିଲ ସଂଘର ସମସ୍ତ ସଦସ୍ଯଙ୍କ ସମେତ ବିଭିନ୍ନ ଦଳର ନେତୃବୃନ୍ଦ ସମବେଦନା ଜଣାଇଛନ୍ତି l ଉକ୍ତ ରାଜ ରାସ୍ତାରେ ପ୍ରାୟତଃ ଦୁର୍ଘଟଣା ଘଟି ଥାଉଛି, ଏହାର କାରଣ ନିମ୍ନ ମାନର ରାସ୍ତା କାମ l କେତେକ ସ୍ଥାନରେ ଅଧା ରାସ୍ତା ଉପରେ ପିଚୁ ପଡିଛି ଆଉ ଅଧେ ଖାଲ ଢିପ ଆବଡାଖାବଡା ରାସ୍ତା ଯାହା କି ଦୁର୍ଘଟଣା ହେବା ସ୍ୱାଭାବିକ l
ଏ ସମ୍ପର୍କରେ ବାରଂବାର ଅଭିଯୋଗ ହେଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉନାହିଁ l ସେହି ରାସ୍ତା ଦେଇ ନେତା ରାଜନେତା ମାନଙ୍କ ଦିନ ପ୍ରତିଦିନ ଜାତାୟତ ହେଉଥିଲେ ମଧ୍ୟ ଉକ୍ତ ରାସ୍ତା ପ୍ରତି କାହାର ନଜର ପଡୁ ନାହିଁ l ଏଥି ସହିତ ନିକଟସ୍ଥ ହୋଟେଲରେ ନେତା ସାଂସଦଙ୍କ ସଭା ବୈଠକ ଅନୁଷ୍ଠିତ ହେଉଥିବା ଦେଖିବାକୁ ମିଳୁଛି l ଫଳରେ ନେତା ମାନଙ୍କ ସହ କୁଜି ନେତାଙ୍କ ମଧ୍ଯ ଭିଡ ଜମି ସାଥିରେ ଆଣିଥିବା ଗାଡି ପାର୍କିଂ ହୋଇ ଅଧା ରାସ୍ତା କଭର ହେଉଛି l ରାସ୍ତାର ଅପର ପାର୍ଶ୍ବରେ ପେଞ୍ଜିସାହି ପ୍ରାଥମିକ ବିଦ୍ୟାଳୟ ବିଦ୍ୟାମାନ ତା ସହିତ ଯୁବ ପିଢିର ଆଖି ପିଛୁଳାକେ ଗାଡି ଚାଳନା ଏବଂ ଟ୍ରାଫିକ୍ ନିୟମ କଡା କଡି ହେଉ ନଥିବା ମଧ୍ଯ ଦେଖିବାକୁ ମିଳୁଛି l ତେଣୁ ଏପରି ଦୁର୍ଘଟଣା ଘଟୁଛି ବୋଲି ଜାଗ୍ରତ କନ୍ଧମାଳର ପ୍ରତିଷ୍ଠାତା ତଥା ଆଇନଜିବୀ ସତ୍ୟ ନାରାୟଣ ବେହେରା, କନ୍ଧମାଳ ପିପୁଲ୍ସ ଫୋରମ ର ସଭାପତି ରାଧାମୋହନ ମହାପାତ୍ର,ସମାଜସେବୀ ଅଶୋକ ପରିଡା, କାଉନସିଲର ତଥା ଆଇନଜିବୀ ରମେଶ ଚନ୍ଦ୍ର ମହାନ୍ତି ପ୍ରମୂଖ ଅଭିଯୋଗ କରିଛନ୍ତି l ଏଥି ପ୍ରତି ଯଥା ଶୀଘ୍ର ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ମଧ୍ଯ ଦାବି ହୋଇଛି l
