ନବରଙ୍ଗପୁର //କୋଷାଗୁମୁଣ୍ଡା : ବ୍ଲକ ଭାଟିଗାଁ ଛକ ନିକଟରେ ଏକ ବାଇକ୍ ଦୁର୍ଘଟଣାରେ ୨ ଜଣ ବ୍ୟକ୍ତି ଗୁରୁତର ଭାଵେ ଆହତ ହୋଇଛନ୍ତି ।ଘଟଣାରୁ ଜଣାଯାଇଛି ଯେ ବାଇକ ଚାଳକ ଜଣକ ଗାଦବାଗୁଡା ଗ୍ରାମର ପ୍ରବାସ ମାଝି ନିଜ ବ୍ୟକ୍ତିଗତ କାମରେ ରାସ୍ତା ରେ ଯାଉଥିବା ବେଳେ ହଠାତ ଭାଟିଗାଁ ନିକଟସ୍ଥ ଜଣେ ପଥଚାରି ଅପର ପଟୁ ହଠାତ ବାଇକ୍ ସାମନା କୁ ଚାଲି ଆସିଥିଲେ। ବାଇକ୍ ଟି ଦୃତ ବେଗରେ ଥିବା ଯୋଗୁଁ ଭାରସାମ୍ୟ ରକ୍ଷା କରି ନ ପାରି ପଥଚାରୀ ଙ୍କୁ ଧକ୍କା ଦେଇ ବାଇକ ଆରୋହୀ ତଳ ପଡି ଯାଇଥିଲେ। ଉଭୟ
ଗୁରୁତର ଆହତ ହୋଇ ପଡିଥିବା ବେଳେ ନବରଙ୍ଗପୁର ବିଧାୟକ ପ୍ରାର୍ଥୀ ତଥା ଯୁବନେତା ଶ୍ରୀ ଗୌରୀଶଙ୍କର ମାଝୀ ଓ ପୂର୍ବତନ ସାଂସଦ ଶ୍ରୀ ବଳଭଦ୍ର ମାଝୀ ଜିଲ୍ଲା ଚିକିତ୍ସାଧିକାରୀ ଙ୍କୁ ସଂପର୍କ କରି ଗାଡି ବ୍ୟବସ୍ଥା କରିଥିଲେ।ଗାଡି ପହଞ୍ଚି ବା ବିଳମ୍ବ ହେବା ଯୋଗୁଁ ଗ୍ରାମ ବାସି ଙ୍କ ସହାୟତା ରେ ସ୍ଥାନିୟ ଗାଡି ବ୍ୟବସ୍ଥା କରି ଉଭୟ ଆହତ ଙ୍କୁ ଡ଼ାକ୍ତର ଖାନା କୁ ନେଇ ସେମାନଙ୍କ ଚିକିତ୍ସା ବ୍ୟବସ୍ଥା ବୁଝିଥିବା ପ୍ରକାଶ।
