ମାଲକାନଗିରି (୨୦/୨) : ତେଲେଙ୍ଗାନା ରାଜ୍ୟ ହାଇଦ୍ରାବାଦ ଠାରେ ଆୟୋଜିତ ହେବାକୁଥିବା ୯ତମ ଯୁବ ମହୋତ୍ସବରେ ଯୋଗ ଦେବାକୁ ମାଲକାନଗିରି ଜିଲ୍ଲାର ୨ ୦ଜଣ ଆଦିବାସୀ ଯୁବକ ଯୁବତୀ ଆଜି ଯାଇଛନ୍ତି ।
ମାଲକାନଗିରି ଠାରେ ଆୟୋଜିତ ଏକ ସମାରୋହରେ ବିଏସଏଫ କମାଣ୍ଡାଂଟ ଆଇ ଏଚ ଖାନ ମୁଖ୍ୟଅତିଥି ଭାବେ ଯୋଗ ଦେଇ ଯାତ୍ରା ର ଶୁଭରମ୍ଭ କରି ଥିଲେ ।୧ ୫ ଜଣ ଯୁବକ ଏବଂ ୫ ଜଣ ଯୁବତୀଙ୍କୁ ଯୁବ ବିନିମୟ କାର୍ଯ୍ୟକ୍ରମକୁ ପଠାଯାଇଛି । ମାଲକାନଗିରି ଜିଲ୍ଲାର ମୋଟ ୨ ୦ଜଣ ପ୍ରାର୍ଥୀ ଯେଉଁମାନେ ଦୁର୍ଗମ ଦୂରଦୂରାନ୍ତ ଗ୍ରାମରୁ ଆସିଛନ୍ତି । ୨ ଜଣ ବିଏସଏଫ୍ ଅଧିକାରୀ ସେମାନଙ୍କ ସହିତ ଏସକର୍ଟ ଭାବରେ ଯାଇଛନ୍ତି । ଏହି ଭ୍ରମଣ ସମୟରେ ପ୍ରାର୍ଥୀମାନେ ହାଇଦ୍ରାବାଦ ଠାରେ ୨୧ ତାରିଖରୁ ୨ ୭ ପର୍ଯ୍ୟନ୍ତ ଆୟୋଜିତ କାର୍ଯ୍ୟକ୍ରମରେ ଉପସ୍ଥିତ ରହି ବିଭିନ୍ନ ସ୍ଥାନ ପରିଦର୍ଶନ କରିବେ ।
ଆଜିର ଏହି କାର୍ଯ୍ୟକ୍ରମରେ ବିଏସ ଏଫ ସିଏମଓ ଡକ୍ଟର ସଞ୍ଜିବ କୁମାର, ଡିସି ଶୁଭଞ୍ଜନ ମହାପାତ୍ର, ଏସି ଶ୍ରଦ୍ଧାକର ପାଢ଼ୀ,ଜିଲ୍ଲା ଯୁବ ଅଧିକାରୀ ହରିଶ ରୁପାଲ, ଏବଂ ଅନ୍ୟାନ୍ୟ ବିଏସ୍ଏଫ୍ ଅଧିକାରୀ ମଧ୍ୟ ଉପସ୍ଥିତ ଥିଲେ । ନେହେରୁ ଯୁବ କେନ୍ଦ୍ର ସଂଗଠନ (ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ) ସହଯୋଗରେ ସୀମା ସୁରକ୍ଷା ବଳ (ଗୃହ ମନ୍ତ୍ରଣାଳୟ) ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହେଉଛି । ଆଦିବାସୀ ଯୁବ ବିନିମୟ କାର୍ଯ୍ୟକ୍ରମ ଆଦିବାସୀ ଯୁବ ବିନିମୟ କାର୍ଯ୍ୟକ୍ରମ ୨୦୨୨-୨୩ ଅନ୍ତର୍ଗତ ୮ ଟି ପର୍ଯ୍ୟାୟ ଅହମ୍ମଦାବାଦ, ବେଙ୍ଗାଲୁରୁ, ଭୋପାଳ, ପୁଡୁଚେରୀ, ନୂଆଦିଲ୍ଲୀ, ଚଣ୍ଡିଗଡ଼, ପଂଚକୁଲା ଏବଂ କୋଚିରେ ସଫଳତାର ସହ ସମାପ୍ତ ହୋଇଥିଲା । ଯେଉଁଥିରେ ମାଲକାନଗିରି ଜିଲ୍ଲାର ମୋଟ ୨୩ ୬ ଜଣ ଯୁବଗୋଷ୍ଠୀ ଅଂଶଗ୍ରହଣ କରିଥିଲେ ।
ଏହି ଗସ୍ତ ସମୟରେ ସେମାନେ ରାଜ୍ୟପାଳ, ମହାନ ସଫଳତା, କ୍ରୀଡ଼ା ବ୍ୟକ୍ତିତ୍ୱ, ଚଳଚ୍ଚିତ୍ର / ଟିଭି ତାରକା ତଥା ରାଜ୍ୟର ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ବ୍ୟକ୍ତିତ୍ୱଙ୍କ ପରି ସାମ୍ବିଧାନିକ କର୍ତୃପକ୍ଷଙ୍କୁ ଭେଟିବାର ସୁଯୋଗ ପାଇବେ । ଦେଶର ସାମାଜିକ ଏବଂ ସାଂସ୍କୃତିକ,କୃଷି, ପ୍ରମୁଖ ଶିଳ୍ପ / କର୍ପୋରେଟ୍ ହାଉସ୍, ଜାତୀୟ ଗୁରୁତ୍ୱପୂର୍ଣ୍ଣ ପ୍ରତିଷ୍ଠାନ, ସାଂସ୍କୃତିକ ସ୍ଥାନ ପରିଦର୍ଶନ କରିବେ । ସେମାନଙ୍କୁ ଏକ ବଡ଼ ପ୍ଲାଟଫର୍ମରେ ଉତମ ଏକ୍ସପୋଜର୍ ଯୋଗାଇବା ପାଇଁ ଯୋଜନା କରାଯାଇଛି ଯାହାକି ସେମାନଙ୍କୁ ଏକ ଉଜ୍ୱଳ କ୍ୟାରିୟର ଖୋଲିବାକୁ ସାହାଯ୍ୟ କରିବ ।
