ଫୁଲବାଣୀ : ଇତି ମଧ୍ୟରେ ପଂଚାୟତ ମହା ବିଦ୍ୟାଳୟ, ଫିରିଙ୍ଗିଆ ଦ୍ୱାରା ଇତିହାସ କଂଗ୍ରେସ ସମ୍ପର୍କିତ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି l ଫୁଲବାଣୀ ବିଧାୟକ ଅଙ୍ଗଦ କହଁର ଉଦଘାଟକ ଭାବେ ଯୋଗଦେଇଥିଲା ବେଳେ ଅଧ୍ୟାପକ ବିଷ୍ଣୁ ଚରଣ ଚୌଧୁରୀ ମୁଖ୍ୟବକ୍ତା ଭାବେ ଯୋଗ ଦେଇଥିଲେ | ଅନ୍ୟାନ୍ୟ ଅତିଥି ଭାବେ ଅଧ୍ୟକ୍ଷ ଶ୍ୟାମାସୁନ୍ଦର ମିଶ୍ର, ଅବସରପ୍ରାପ୍ତ ଅଧ୍ୟାପକ ତୀର୍ଥ ଯାନୀ ତନୁଜା ସିଂ, ରଙ୍ଗ ନାୟକ,ଶିବ ପ୍ରସାଦ ଦାଶ, ଶଙ୍କର୍ଷଣ ମଲୁକ, ଡ଼ଃ ସୁଜିତ ପଣ୍ଡା, ତ୍ରୈଲୋକ୍ୟନାଥ ସେନାପତି,ବିଷ୍ଣୁ ପ୍ରସାଦ ମିଶ୍ର ମନ୍ମଥ ପାଢ଼ୀ ପ୍ରଭୃତି ଯୋଗଦେଇଥିଲେ l କନ୍ଧମାଳ ଇତିହାସ କଂଗ୍ରେସ ର ସଭାପତି ଡ଼ଃ ଚିତ୍ତରଞ୍ଜନ ମିଶ୍ର କାର୍ଯ୍ୟକ୍ରମପରିଚାଳନା କରିଥିଲା ବେଳେ ଅନ୍ୟାନ୍ୟ କର୍ମକର୍ତ୍ତା ସହଯୋଗ କରିଥିଲେ l ଏହି ଅବସରରେ କନ୍ଧମାକର ଜଣାଶୁଣା ସାହିତ୍ୟିକ ଡ଼ଃ ନୃସିଂହାନନ୍ଦ ମହାପାତ୍ରଙ୍କୁ ସମର୍ଦ୍ଧିତ କରାଯାଇଥିଲା l ତାଙ୍କର ରଚିତ ପୁସ୍ତକ ଆଦି ଶଙ୍କରାଚାର୍ଯ୍ୟ ଲୋକାର୍ପିତ ହୋଇଥିଲା l ଡ଼ଃ ମହାପତ୍ର ଓଡ଼ିଶାର ଜଣାଶୁଣା ପ୍ରତିଭା, ବହୁ ଅନୁଷ୍ଠାନ ଦ୍ୱାରା ସାମର୍ଦ୍ଧିତ ଓ ସମ୍ମାନିତ l ତାଙ୍କର କୋଡିଏରୁ ଅଧିକ ବହି ପ୍ରକାଶିତ ହୋଇ ସାରିଛି l ବିଭିନ୍ନ ଅନୁଷ୍ଠାନ ତରଫରୁ ତାଙ୍କୁ ଶୁଭେଚ୍ଛା ଜଣା ଯାଇଛି l
