ଦାରିଙ୍ଗବାଡି (୧୨/୨) : କନ୍ଧମାଳ ଜିଲା ଦାରିଙ୍ଗବାଡି ବ୍ଲକର ନୂତନ ପେନସନ ଯୋଜନାଭୁକ୍ତ ମିଳିତ ପ୍ରାଥମିକ ଶିକ୍ଷକ ସଂଘ ପକ୍ଷରୁ ଦାରିଙ୍ଗବାଡି ରାପଡ଼ାବାଡ଼ି ବିଦ୍ୟାଳୟଠାରେ ବୈଠକ ଅନୁଷ୍ଠିତ ହୋଇଥିଲା। ଗତ ଦିନରେ ସରକାରଙ୍କୁ ଦିଆଯାଇଥିବା ୩ ଦଫା ଦାବୀ ମଧ୍ୟରେ ତିନିଟି ଦାବୀ ବର୍ତ୍ତମାନ ପର୍ଯ୍ୟନ୍ତ ପୂରଣ କରୁ ନାହାନ୍ତି l ସରକାରଙ୍କୁ ଦାବୀ କରିବାର ଦୀର୍ଘ ଦୁଇ ମାସ ବିତି ଯାଇଥିଲେ ବି କୌଣସି ଦାବୀ ପୂରଣ ନ କରି ଟାଲଟୁଲ ନୀତି ଅବଲମ୍ବନ କରିଚାଲିଛନ୍ତି l ତେଣୁ ରାଜ୍ୟ ଓ ଜିଲ୍ଲା ଶିକ୍ଷକ ସଂଘର ନିଷ୍ପତିକୁ ସମ୍ମାନ ଦେଇ ଅଧିବେଶନ ପୂର୍ବରୁ ଦାବୀ ପୂରଣ ନ ହେଲେ ପୁନର୍ବାର ଆନ୍ଦୋଳନ ଓହ୍ଲାଇବା ପାଇଁ ଦାରିଙ୍ଗବାଡି ମିଳିତ ପ୍ରାଥମିକ ସଂଘ ନିଷ୍ପତି ନେଇଛି l ଉକ୍ତ ବୈଠକରେ ସଭାପତି କୈଳାଶ ଚନ୍ଦ୍ର ପ୍ରଧାନ, କାର୍ଯ୍ୟକାରୀ ସଭାପତି ନବୀନ କୁମାର ସାହୁ, ସମ୍ପାଦକ ରମେଶ ପ୍ରଧାନ, ସଂଘଠନ ସମ୍ପାଦକ ସଂଜୀବ କୁମାର ପ୍ରଧାନ , ଉପଦେଷ୍ଟା ଦଶରଥ ପ୍ରଧାନ, ଏବଂ ଜୟଦେବ ସାହୁ, ସୁକାନ୍ତ ମହାରଣା, ମନୋଜ କୁମାର ବେହେରା, ଅର୍ଜୁନ ବେହେରା, ସରୋଜ ନାୟକ, ସନିଆ ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ l
