ଛତ୍ରପୁର : ଚମାଖଣ୍ଡି ଥାନା ଅନ୍ତର୍ଗତ ମାଣ୍ଡିଆପଲ୍ଲୀ ଛକ ନିକଟ ଜାତୀୟ ରାଜପଥରେ ଏକ ସଡକ ଦୁର୍ଘଟଣା ଘଟିଛି । କାର ସହ ଟ୍ରକ ମଧ୍ୟରେ ଧକ୍କା ହୋଇଛି । ଯାହା ଫଳରେ କାର ମଧ୍ୟରେ ଥିବା ୪ ଜଣ ବ୍ୟକ୍ତି ସାମାନ୍ୟ ଆହାତ ହୋଇଛନ୍ତି । ଓଡି୦୭ଏଫ୍ ୮୧୦୦ ନମ୍ବର ଏକ କାର ଛତ୍ରପୁର ରୁ ବ୍ରହ୍ମପୁର ଅଭିମୁଖେ ଯାଉଥିବା ବେଳେ ଓଡି୨୩ ଏମ ୯୦୬୮ ନମ୍ନର ଏକ ଟ୍ରକଟି ଆନ୍ଧ୍ରା ଅଭିମୁଖେ ଯାଉଥିଲା । କୌଣସି କାରଣ ବସତଃ ଉଭୟ ଗାଡି ମଧ୍ୟରେ ଧକ୍କା ହୋଇଥିଲା । ଘଟଣାର ଖବର ପାଇ ଚମାଖଣ୍ଡି ଥାନାର ଏଏସଆଇ ଅରୁଣ କୁମାର ରାଉତ ଘଟଣା ସ୍ଥଳରେ ପହଂଚି ଟ୍ରକଟିକୁ ଜବତ କରି ଆହାତ ମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ପଠାଇଥିଲେ ।
