ଦାରିଙ୍ଗବାଡି୧୯/୧୨ : , କନ୍ଧମାଳ ଜିଲ୍ଲା ଦାରିଙ୍ଗବାଡି ଡ. ଭୀମାରାଓ ଆମ୍ବେଦକର ଜାତୀୟ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ବାର୍ଷିକ ଉତ୍ସବ ଉଦଘାଟିତ ହୋଇଯାଇଛି | ଏହା ୩ ଦିନ ଧରି ଚାଲିବ ବୋଲି ବିଦ୍ୟାଳୟ ପକ୍ଷରୁ କୁହାଯାଇଛି | ଏଥିରେ ସ୍ଥାନୀୟ ସରପଞ୍ଚ ସୁଶ୍ରୀ ଚନ୍ଦ୍ରିକା ମଳିକ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ | ଛାତ୍ର ମାନେ ନିକଟସ୍ଥ ପାଟଖଣ୍ଡା ମନ୍ଦିରରରୁ ମଶାଲ ନେଇ ଖେଳ ପଡ଼ିଆରେ ପହଞ୍ଚି ଅତିଥିଙ୍କୁ ହସ୍ତାନ୍ତର କରିଥିଲେ। ପରେ ଅତିଥି ମଶାଲକୁ ସମ୍ମାନ ଦେଇ ତାକୁ କ୍ରୀଡ଼ା ସ୍ଥାନରେ ସ୍ଥାପନ କରିଥିଲେ ଓ ସାମୁହିକ ପ୍ୟାରେଡ଼ରେ ଅଭିବାଦନ ଗ୍ରହଣ କରିଥିଲେ। |ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ବିଦ୍ୟାଳୟର ଅଧ୍ୟକ୍ଷ ପ୍ରତାପ ବେହେରା ଓ ବିଦ୍ୟାଳୟର ଅନ୍ୟ ଅଧ୍ୟାପିକା ଅଧ୍ୟାପକ ମାନେ ମଞ୍ଚାସିନ ଥିଲେ | କୋଭିଡ ପାଇଁ ଦୁଇ ବର୍ଷ କ୍ରୀଡ଼ା ଉତ୍ସବ ସହ ବିଭିନ୍ନ କାର୍ଯ୍ୟକ୍ରମ ବନ୍ଦ ରହିଥିବାରୁ ଏହି କ୍ରୀଡ଼ା ପ୍ରତିଯୋଗିତାକୁ ଛାତ୍ରଛାତ୍ରୀ ମାନେ ଉତ୍ସାହର ସହ ଅଂଶ ଗ୍ରହଣ କରୁଛନ୍ତି |
କ୍ରୀଡ଼ା ଅଧ୍ୟାପକ ରଶ୍ମିରଂଜନ ତ୍ରିପାଠୀ ସମସ୍ତ କ୍ରୀଡ଼ା ପ୍ରତିଯୋଗିତାକୁ ପରିଚାଳନା କରିଥିଲେ |ପ୍ରଥମ ଦିନରେ ଛାତ୍ରୀଛାତ୍ର ମାନଙ୍କ ୧ଶହ ମିଟର ଦୌଡ଼ ପ୍ରତିଯୋଗିତା ସହ ସଟଫୁଟ, ଲମ୍ବା ଡିଆଁ ଆଦି ପ୍ରତିଯୋଗିତା କରଯାଇଛି।
