ଦାରିଙ୍ଗବାଡ଼ି,୧୪/୧୨ : ଦାରିଙ୍ଗବାଡ଼ି ବ୍ଳକ ଅନ୍ତର୍ଗତ ଫୁଲବାଣୀ ଧର୍ମାଞ୍ଚଳ ଉତ୍ତର ଭାରତ ମଣ୍ଡଳୀ ପକ୍ଷରୁ ଦାରିଙ୍ଗବାଡ଼ି ପାଷ୍ଟରେଟର ପରପଙ୍କା ମଣ୍ଡଳୀରେ ପ୍ରୀ ଖ୍ରୀଷ୍ଟମାସ ମହୋତ୍ସବ-୨୦୨୨ ଅନୁଷ୍ଠିତ ହୋଇ ଯାଇଛି । ଏଥିରେ ମୁଖ୍ୟ ଅତିଥି ଭାବେଫୁଲବାଣୀ ଧର୍ମାଞ୍ଚଳ ଉତ୍ତର ଭାରତ ମଣ୍ଡଳୀ ବିଶପ ରେଭେରଣ୍ଡ ବିଜୟ କୁମାର ନାୟକ ଯୋଗଦେଇ ପ୍ରଭୁଯୀଶୁଙ୍କ ଜନ୍ମଦିନ ତଥା ଖ୍ରୀଷ୍ଟମାସ ପର୍ଵ ପାଳନ ପୂର୍ବରୁ ଖ୍ରୀଷ୍ଟମାସ ମହୋତ୍ସବ-୨୦୨୨ ପାଳନ ଅବସର ଜନସାଧାରଣଙ୍କୁ ବାର୍ତ୍ତା ପ୍ରଦାନ କରିଥିଲେ । ସମସ୍ତଙ୍କ ମଧ୍ୟରେ ଏକତା, ଭାତୃଭାଵ, ପସ୍ପର ମଧ୍ୟରେ ପ୍ରେମ, ଦୟା ଓ କ୍ଷମାର ବାର୍ତ୍ତା ଦେଇ ଆନନ୍ଦ ଉଲ୍ଲାସରେ ଖ୍ରୀଷ୍ଟମାସ ପର୍ଵ ପାଳିବାକୁ ଆହ୍ଵାନ କରିଥିଲେ । କାର୍ଯ୍ୟକ୍ରମରେ ପ୍ରାରମ୍ଭିକ ଉପାସନ ରେଭରେଣ୍ଟ ବିଷକେସନ ନନ୍ଦ ପ୍ରଦାନ କରିଥିଲା ବେଳେ ମୋହନ କୁମାର ପରିଛା ସ୍ୱଗାତ କରିଥିଲେ । ସେହିପରି ରେଭ ସନ୍ତୋଷ ପ୍ରଧାନ, ରେଭ ଆକାଶ ପାଉଲ,ସହଦେଵ ପ୍ରଧାନ, ପ୍ରକାଶ କୁମାର ନାୟକ, ଜୟକାନ୍ତ ପ୍ରଧାନ, ସଂଜୀବ ପ୍ରଧାନ, ଜିରିମିୟ ପ୍ରଧାନ, ବିକ୍ରମ ନାୟକ, ଦାରସିଂ ପ୍ରଧାନ ଓ ଗୋପାଳ ମଲିକ ବିଭିନ୍ନ କାର୍ଯ୍ୟକ୍ରମ ପରିଚାଳନା କରି ସଫଳ କରିଥିଲେ। ପରପଙ୍କା ମଣ୍ଡଳୀର କର୍ମକର୍ତ୍ତା, ଯୁବଗୋଷ୍ଠୀ ପରିଚାଳନାରେ ସହଯୋଗ କରିଥିଲେ ।
