ପାତ୍ରପୁର: ଜରଡ଼ା ଥାନା ସାମନ୍ତିଆ ପଲ୍ଲୀ ପଞ୍ଚାୟତ ମୁଣ୍ଡକେରୀ ଗ୍ରାମରେ ସକାଳେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଜ୍ବାଇଁର ଠେଙ୍ଗା ମାଡ଼ରେ ଶଶୁରର ମୃତ୍ୟୁ ଘଟିଥିବା ଅଭିଯୋଗ ହୋଇଛି। ମୃତ ବ୍ୟକ୍ତି ଜଣକ ହେଉଛନ୍ତି ଆପନା ବେହେରା (୬୫) ବୋଲି ଜଣାଯାଇଛି। ଆପନାକୁ ହତ୍ୟା କରିବା ଅଭିଯୋଗରେ ଜ୍ୱାଇଁ ପୁଅ ଗଣପତି ବେହେରା (୪୫)ଙ୍କୁ ପୋଲିସ ଗିରଫ କରିଛି।ଗଣପତିଙ୍କ ଘର ନିକଟ ପାତ୍ରପୁର ଗ୍ରାମରେ ହୋଇଥିବା ବେଳେ ବିବାହ ପରଠାରୁ ଶଶୁର ଘର ଗ୍ରାମ ମୁଣ୍ଡକେରୀରେ ରହୁଥିଲେ।ତେବେ ଗଣପତି ବିଭିନ୍ନ ସମୟରେ ଜୁଆ ଖେଳୁଥିବା ନେଇ ଶଶୁର ବିରୋଧ କରିଥିଲେ।
ବୁଧବାର ସକାଳୁ କୌଣସି କାରଣକୁ ନେଇ ଉଭୟଙ୍କ ମଧ୍ୟରେ କଥା କଟାକଟି ହେବା ପରେ ଜ୍ବାଇଁ ଗଣପତି ଏକ ଠେଙ୍ଗାରେ ଆପନାଙ୍କ ମୁଣ୍ଡକୁ ଆକ୍ରମଣ କରିଥିଲା। ଆକ୍ରମଣରେ ଆପନା ଘଟଣାସ୍ଥଳରେ ଟଳି ପଡ଼ିଥିଲେ। ଏହା ଦେଖି ନାତି ଗୁରୁତର ଅବସ୍ଥାରେ ଆପନାଙ୍କୁ ପାତ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ଖବର ପାଇ ଜରଡା ଥାନା ଏସଆଇ ଘଟଣାସ୍ଥଳରେ ପହଞ୍ଚିବା ସହିତ ଅଭିଯୁକ୍ତକୁ ଗିରଫ କରିଥିବା ବେଳେ ଏକ ଠେଙ୍ଗା ଜବତ କରିଛି। ପୁଲିସ ଶବ ଜବତ କରିବା ସହ ବ୍ୟବଛେଦ ପାଇଁ ବ୍ରହ୍ମପୁର ପଠାଇଥିବା ବେଳେ ତଦନ୍ତ ଚାଲିଥିବା ଜଣାପଡିଛି।
