ବ୍ରହ୍ମପୁର : ଜଣେ ଯୁବତୀଙ୍କୁ ଅସଦାଚାରଣ କରିବା ଅଭିଯୋଗରେ ଗୋସାଇଁନୁଆଗାଁ ଥାନା ପୁଲିସ ଜଣେ ଏମସିଏ ଛାତ୍ରଙ୍କୁ ଗିରଫ କରିଛି । ଅଭିଯୁକ୍ତ ଜଣଙ୍କ ହେଲେ ନବରଙ୍ଗପୁର ଜିଲ୍ଲାର ସାଗର ପାଣିଗ୍ରାହୀ(୨୨) l ସୂଚନା ଥାଉକି , ଅଭିଯୁକ୍ତ ସାଗର ବ୍ରହ୍ମପୁରରେ ରହି ଏକ ସରକାରୀ ଶିକ୍ଷାନୁଷ୍ଠାନରେ ଏମସିଏ ପଢୁଥିବା ବେଳେ ସେ ଗୋସାଇଁନୂଆଗାଁରେ ରହୁଛନ୍ତି l ସାଗର ଇନଷ୍ଟାଗ୍ରାମ ଜରିଆରେ ଜଣେ ଯୁବତୀଙ୍କ ସହ ବନ୍ଧୁତା ହୋଇଥିଲା l ସେ ଯୁବତୀଙ୍କ ମୋବାଇଲ ନମ୍ବର ନେଇ ବାରମ୍ବାର ଫୋନ କରି ହଇରାଣ କରୁଥିଲେ l କିଛି ଦିନ ତଳେ ସାଗର ସମ୍ପୃକ୍ତ ଯୁବତୀଙ୍କ ଘର ସମ୍ମୁଖକୁ ଯାଇ ତାଙ୍କୁ ବାହାରକୁ ଡାକିଥିଲେ l ଏପରିକି ଯୁବତୀଙ୍କୁ ଅଶ୍ଳୀଳ ଭାଷା କହିବା ସହ ଗାଳିଗୁଲଜ କରିଥିଲେ ଯାହାକୁ ନେଇ ଯୁବତୀ ଜଣକ ନିଜ ପରିବାର ଲୋକଙ୍କୁ କହିଥିଲେ, ଘଟଣାକୁ ନେଇ ଯୁବତୀଙ୍କ ମାଆ ଗୋସାଇଁନୂଆଗାଁ ଥାନାରେ ଏକ ଅଭିଯୋଗ କରିବା ପରେ ପୁଲିସ କେସ ନଂ ୧୨୧/୨୨ରେ ଏକ ମାମଲା ରୁଜୁ କରି ଅଭିଯୁକ୍ତ ସାଗରଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଥିବା ସୂଚନା ମିଳିଛି l
