ମାଲକାନଗିରି (୨୪।୭) : ମାଲକାନଗିରି ଜିଲ୍ଲା ଖଇରପୁଟ ବ୍ଲକ ଗୋବିନ୍ଦପାଲ୍ଲୀ ଠାରେ ଗଛ ପଡି ରାସ୍ତା ଅବରୋଧ ହେବା ଫଳରେ ଶହ ଶହ ସଂଖ୍ୟକ ଗାଡି ଅଟକି ରହିଛି | ସୂଚନା ମୁତାବକ ଆଜି ସକାଳୁ ପ୍ରବଳ ବର୍ଷା ହେବା ଯୋଗୁଁ ଗୋବିନ୍ଦପାଲ୍ଲୀ ଘାଟିରେ ଏକ ବିରାଟ ଗଛ ରାସ୍ତା ଉପରେ ପଡି ଯିବାରୁ ରାସ୍ତା ଅବରୋଧ ହୋଇଥିଲ। ଫଳରେ ରାସ୍ତାର ଉଭୟ ପାଶ୍ୱର୍ରେ ବହୁ ଜାନବାହାନ ଅଟକି ରହିଥଇବା ଦେଖିବାକୁ ମିଳିଥିଲା । ଖବର ପାଇ ମାଥିଲି ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଉକ୍ତ ଗଛକୁ କାଟି ରାସ୍ତାରୁ ହଟାଇବା ପରେ ଯାତାୟତ ସ୍ଵାଭାବିକ ହୋଇଥିଲା । ତେବେ ଏହି ଗଛ ପଡିବା ଯୋଗୁଁ ବହୁ ଜାନବାହାନ ରାସ୍ତା ଉପରେ ଅଟକି ରହିଥିବାରୁ ଯାତ୍ରୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ସହ ପ୍ରାୟ ୩ ଘଣ୍ଟା ଧରି ଜୟପୁର ରୁ ମାଲକାନଗିରି ଯାତାୟାତ ବନ୍ଦ ହୋଇଯାଇଥିବା ଦେଖିବାକୁ ମିଳିଥିଲା ।
