ଛତ୍ରପୁର : ଛତ୍ରପୁର ବାଇପାସ ନିକଟ ଥିବା ଇଣ୍ଡିଆନ ଓଏଲ ପେଟ୍ରୋଲ ପମ୍ପ ସମ୍ମୁଖ ଜାତୀୟ ରାଜପଥ ରେ ଏକ ଯାତ୍ରୀବାହି ଅଟୋ ଓଲଟି ଡ୍ରାଇଭର ଙ୍କ ସମେତ ଚାରି ଗୁରତର ଆହାତ ହୋଇଛନ୍ତି । ଗୁରୁତର ଆହାତ ମାନେ ହେଲେ, ବିନାୟକ ଦାସ, ଜୟକୃଷ୍ଣ ଦାସ, ପ୍ରେମଲତା ଦାସ, ଭାସ୍କର ଦାସ ଓ ବାସନ୍ତି ପଲାଇ । ପ୍ରଥମେ ସେମାନଙ୍କୁ ଛତ୍ରପୁର ପରେ ବ୍ରହ୍ମପୁର ମେଡିକାଲ କୁ ଚିକିତ୍ସା ନିମନ୍ତେ ସ୍ଥାନାନ୍ତର କରାଯାଇଛି l ସୂଚନା ମୁତାବକ ମାଲୁଦ ରୁ ବ୍ରହ୍ମପୁର ଯୋଗେ ଯାଉଥିବା ଏକ ଅଟୋ ଟି ଭାରସାମ୍ୟ ହରାଇ ଜାତୀୟ ରାଜପଥ ରେ ଓଲଟି ପଡିବାରୁ ଅଟୋ ର ଡ୍ରାଇଭରଙ୍କ ସମେତ ୪ ଜଣ ଯାତ୍ରୀ ଗୁରୁତର ଆହାତ ହୋଇଛନ୍ତି । ଗୁରୁତର ଆହାତ ମାନଙ୍କୁ ଛତ୍ରପୁର ଅଗ୍ନିଶ୍ରମ ବିଭାଗ ର କର୍ମଚାରୀ ମାନେ ଉଦ୍ଧାର କରି ଛତ୍ରପୁର ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା ।
