ବଲାଙ୍ଗୀର : ଦିନକୁ ଦିନ ଦୁର୍ନୀତିଖୋର ଅଧିକାରୀଙ୍କ ସଂଖ୍ୟା ବଢ଼ିବାରେ ଲାଗିଛି । ପ୍ରତିଦିନ କେହି କେହି ଅଧିକାରୀ ଭିଜିଲାନ୍ସ ହାତରେ ଧରାପଡୁଛନ୍ତି । ଏହାରି ମଧ୍ୟରେ ଭିଜିଲାନ୍ସ ଜାଲରେ ଫସିଛନ୍ତି ଆଇସିଡିଏସ ସୁପରଭାଇଜର । ୧୯ ହଜାର ୮ଶହ ଟଙ୍କା ଲାଞ୍ଚ ନେଇ ଭିଜିଲାନ୍ସ ଜାଲରେ ଧରାପଡ଼ିଛନ୍ତି ଆଇସିଡିଏସ ସୁପରଭାଇଜର।
ବଲାଙ୍ଗୀର ଜିଲ୍ଲା ଆଗଲପୁର ଆଇସିଡିଏସ ସୁପରଭାଇଜର କୁନି ନାଏକ । ୬ ଜଣ ଅଙ୍ଗନବାଡ଼ି କର୍ମୀଙ୍କ ଠାରୁ ନେଉଥିଲେ ଏହି ଲାଞ୍ଚ । ଅଙ୍ଗନବାଡ଼ି ସେଣ୍ଟର ଚଳାଇବା ପାଇଁ ମିଳୁଥିବା ଫଣ୍ଡରୁ ନେଉଥିଲେ ଏହି ପିସି । କୁନି ନାଏକଙ୍କ ଠାରୁ ଜବତ ହୋଇଛି ଲାଞ୍ଚ ଟଙ୍କା । ଏ ସମ୍ପର୍କରେ ଭିଜିଲାନ୍ସ ସମ୍ବଲପୁର ଡିଭିଜନରେ ରୁଜ୍ଜୁ ହୋଇଛି ମାମଲା ।
