ନୂଆଦିଲ୍ଲୀ : ଚୀନ ମୋବାଇଲ କମ୍ପାନି ସାଓମି ପରେ ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଚାଇନାର ମୋବାଇଲ୍ ଫୋନ୍ ନିର୍ମାତା ଭିଭୋ ଏବଂ ଏହା ସହ ଜଡିତ ଅନ୍ୟ କମ୍ପାନି ଉପରେ ଚଢ଼ାଉ କରିଛି। ଆଜି ଇଡି ଟିମ୍ ଦେଶରେ ଥିବା ଭିଭୋର ୪୪ଟି ସ୍ଥାନରେ ଏକକାଳୀନ ଚଢ଼ାଉ କରିଛି | କୁହାଯାଉଛି ଯେ ଉତ୍ତରପ୍ରଦେଶ, ବିହାର, ମଧ୍ୟପ୍ରଦେଶ ସମେତ ଦକ୍ଷିଣ ଭାରତର ଅନେକ ରାଜ୍ୟରେ ଇଡି ଏହି ପଦକ୍ଷେପ ନେଇଛି। ପ୍ରକୃତରେ, ଭିଭୋ ଏବଂ ଏହାର ଆନୁସଙ୍ଗିକ କମ୍ପାନି ଉପରେ ଟଙ୍କା ହେରଫେର ମାମଲାରେ ଇଡି ଦ୍ୱାରା ଏହି ପଦକ୍ଷେପ ନିଆଯାଇଛି। ଅନୁସନ୍ଧାନକାରୀ ଏଜେନ୍ସି ସିବିଆଇ ଏହି ମାମଲାରେ ପୂର୍ବରୁ ତଦନ୍ତ କରୁଛି।
ଅଧିକାରୀମାନେ କହିଛନ୍ତି ଯେ ଚଢ଼ାଉ ଜାରି ରହିଛି ଏବଂ ଆବଶ୍ୟକ ଡକ୍ୟୁମେଣ୍ଟ ଯାଞ୍ଚ କରାଯାଉଛି। ଏହି ପରିପ୍ରେକ୍ଷୀରେ, ଗୁରୁଗ୍ରାମରେ ଏଚଏସବିସି ବ୍ୟାଙ୍କରେ ଥିବା ଭିଭୋର ଆକାଉଣ୍ଟକୁ ସଂଲଗ୍ନ କରି ପ୍ରାୟ ୨୨୦ କୋଟି ଟଙ୍କା ସିଜ କରାଯାଇଛି | ସୂତ୍ରରୁ ଏହା ମଧ୍ୟ ଜଣାପଡିଛି ଯେ କୋଟି କୋଟି ଟିକସ ଫାଙ୍କିବା ଖବର ମିଳିବା ପରେ କମ୍ପାନି ଉପରେ ଏହି ଚଢ଼ାଉ କରାଯାଇଛି । ଯେଉଁଥିରେ କମ୍ପାନି ପ୍ରାପ୍ତ ରାଜସ୍ୱ ତୁଳନାରେ କମ୍ ରାଜସ୍ୱ ପ୍ରଦର୍ଶନ କରିଥିବା ଅଭିଯୋଗ ହୋଇଛି।
ସୂଚନା ଥାଉ କି ଯେ ଚାଇନାର ମୋବାଇଲ୍ କମ୍ପାନିଗୁଡିକ ଭାରତରେ ଆୟକର ବିଭାଗ ଏବଂ ଇଡି ରାଡାରରେ ଅଛନ୍ତି। ଏହାପୂର୍ବରୁ ଅନୁସନ୍ଧାନକାରୀ ସଂସ୍ଥା ସାଓମିର ସମ୍ପତ୍ତି ଜବତ କରିଥିଲା। ଉଲ୍ଲେଖ ଥାଉ କି ଭିଭୋର ମାଲିକାନା ସତ୍ତ୍ବ ଓ ଆର୍ଥିକ ଅନିୟମିତତା ସମ୍ପର୍କରେ ସରକାର ସୂଚନା ମିଳିବା ପରେ ଗତ ଏପ୍ରିଲ ମାସରେ ହିଁ ତଦନ୍ତ ନିର୍ଦ୍ଦେଶ ଦେଇଥିଲେ । ଫାଇନାନ୍ସିଆଲ ରିପୋର୍ଟିଂ ସମୟରେ ଏହି କମ୍ପାନି ତଥ୍ୟ ଲୁଚାଇଥିବା ଅଭିଯୋଗ ହେଉଛି । ଆଉ ଏବେ ଇଡି ଚଢ଼ାଉ କରିଛି |
Sign in
Sign in
Recover your password.
A password will be e-mailed to you.