ଭୁବନେଶ୍ଵର: ଭୁବନେଶ୍ୱର ଟେଲି ଅଭିନେତ୍ରୀ ରଶ୍ମିରେଖା ଓଝା ଆତ୍ମହତ୍ୟା ଘଟଣା ଦିନକୁ ଦିନ ଅତି ରହସ୍ୟମୟ ହେବାରେ ଲାଗିଛି । ଗତକାଲି ପୁର୍ବତମ ପୁରୁଷ ବନ୍ଧୁ ଥାନାରେ ହାଜର ହୋଇଥିବା ବେଳେ ଆଜି ରଶ୍ମିରେଖାଙ୍କ ସ୍ୱାମୀ କୁହାଯାଉଥିବା ସନ୍ତୋଷ ପାତ୍ର ଆଜି ଥାନାରେ ହାଜର ହୋଇଛନ୍ତି ।
ଏସିପିଙ୍କ ନେତୃତ୍ୱରେ ସନ୍ତୋଷଙ୍କୁ ପଚରାଉଚରା କରାଯାଉଛି ।ଗତକାଲି ଯେତେବେଳେ ପୁର୍ବ ପୁରୁଷ ବନ୍ଧୁଙ୍କୁ ପଚରାଉଚରା କରାଯାଇଥିଲା ସେତେବେଳେ ଏହି ଘଟଣାରେ ସେ କିଛି ନଜାଣିବା ସହ କେବଳ ୪ ମାସ ପାଇଁ ସମ୍ପର୍କ ଥିବା କହିଥିଲେ ଏବଂ ଭିନ୍ନ ଭିନ୍ନ ଦିଗ ଆଡ଼ୁ ମଧ୍ୟ ପ୍ରଶ୍ନ ପଚରାଯାଇଥିଲା ।
ତେବେ ପୁଣି ଥରେ ଜେରା କରାଯିବ ବୋଲି ମଧ୍ୟ ଏସିପି ସୁଚନା ଦେଇଥିଲେ । ସୁଚନା ଅନୁସାରେ ଗତ ୧୯ ତାରିଖ ରାତିରେ ଆତ୍ମହତ୍ୟା କରିଥିଲେ ଟେଲି ଅଭିନେତ୍ରୀ ।
”ଘଟଣାସ୍ଥଳକୁ ପୋଲିସର ଏକ ଟିମ୍ ତଦନ୍ତ ଯାଇ କରିଥିଲା । ସେଠାରୁ ଏକ ହାତ ଲେଖା ଚିଠି ଓ ଲାପ୍ଟପ୍ ମଧ୍ୟ ମିଳିଥିଲା । ରଶ୍ମିରେଖା ଡିପ୍ରେସନରେ ଥିବା ପରି ଜଣାପଡ଼ିଥିବା ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଯାଇଥିଲା । ତେବେ ମୃତଦେହରେ କିଛି ଆଘାତ ଚିହ୍ନ ନାହିଁ କି ନିଜ ହାତ ଲେଖା ଚିଠିରେ କାହାକୁ ଅଭିନେତ୍ରୀ ଦାୟୀ କରିନଥିଲେ ।
