କଟକ, : ଆସନ୍ତା ୨୯ ତାରିଖରୁ କଟକରେ ଆରମ୍ଭ ହେବ ୩୦ ତମ ଜାତୀୟ ଜୁନିୟର ଫେନ୍ସିଂ ଚମ୍ପିୟାନ୍ସିପ । ଜବାହାରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆୟୋଜିତ ହେବ ଏହି ମେଗା ଇଭେଣ୍ଟ । ଉଭୟ ରାଜ୍ୟ ସରକାର ଓ ଫେନ୍ସିଂ ରାଜ୍ୟ ସଂଘର ମିଳିତ ଉଦ୍ୟମରେ ଏହି ପ୍ରତିଯୋଗୀତା ଇଣ୍ଡୋର ଷ୍ଟାଡିଅମରେ ଖେଳାଯିବ । ୪ ଦିନ ଧରି ଖେଳାଯିବାକୁ ଥିବା ଏହି ପ୍ରତିଯୋଗିତାରେ ୩୦ ରାଜ୍ୟରୁ ପୁରୁଷ ଓ ୨୮ଟି ରାଜ୍ୟରୁ ମହିଳା ଏହି ଭାଗନେବେ ।
ମୋଟ ୬୫୦ ଜଣ ଖେଳାଳି ଏହି ପ୍ରତିଯୋଗୀତାରେ ଭାଗ ନେବା ପାଇଁ ଚୟନ ହୋଇଛନ୍ତି । ଆମ ରାଜ୍ୟ ଏହି ପ୍ରତିଯୋଗିତାରେ ନିଶ୍ଚିତ ଭଲ ପଦର୍ଶନ କରିବ ବୋଲି ଆଶା କରାଯାଉଛି । କାରଣ ଅନେକ ଦିନ ଧରି ଓଡିଶା ଟିମ ବିଭିନ୍ନ କ୍ୟାମ୍ପ ଜରିଆରେ ଭଲ ଅଭ୍ୟାସ କରିଛି । ତେବେ ଏହି ଆୟୋଜନ ପାଇଁ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛି ସଙ୍ଘ।
