ହିଂଜିଳିକାଟୁ, (୧୭/୫) : ହିଂଜିଳିକାଟୁ ବୃନ୍ଦାବନ ବିଦ୍ୟାପୀଠ ମିନି ଷ୍ଟାଡ଼ିଅମରେ ପ୍ରେସ କ୍ଲବ ହିଂଜିଳିକାଟୁ ସହଯୋଗରେ ଏମସିସି କ୍ରିକେଟ କ୍ଲବ ଦ୍ଵାରା ଆୟୋଜିତ ପ୍ରିୟଦର୍ଶୀ ପଟ୍ଟନାୟକ ମେମୋରିଆଲ ଦିବା ରାତ୍ର ଟେନିସ ବଲ କ୍ରିକେଟ ଟୁର୍ନାମେଟରେ ସୋମବାର ୨ଟି ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମ ମ୍ୟାଚରେ ବ୍ରହ୍ମପୁର ରୟାଲ କ୍ରିକେଟ ଇଲେଭନ ୨୧ ରନରେ ଏମଏସଏସଟି ବେଗୁନିଆପଡ଼ାକୁ ହରାଇ ବିଜୟୀ ହୋଇଛି । ଏଥିରେ ବ୍ରହ୍ମପୁର ଦଳର କାହ୍ନା ପ୍ଲେୟର ଅଫ ଦି ମ୍ୟାଚ ହୋଇଥିଲେ । ୨ୟ ମ୍ୟାଚରେ ବିଡ଼ିସିସି ଇଂଜନଗରକୁ ୭୬ରନରେ ଏମକେସିଟି ବେଗୁନିଆପଡ଼ା ହରାଇ ବିଜୟୀ ହୋଇଛି । ଏଥିରେ ବେଗୁନିଆପଡ଼ାର ସୋମନାଥ ମ୍ୟାନ ଅଫ ଦି ମ୍ୟାଚ ହୋଇଥିଲେ । ଅଧ୍ୟାପକ ପଂଚାନନ ଦାଶ ଓ ଓ୍ବାର୍ଡ଼ ସଭ୍ୟ ବିଳାସିନୀ ମହାନ୍ତି ଅତିଥି ଭାବେ ଯୋଗ ଦେଇ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ । ଆଲୋକ ପାତ୍ର, ସତ୍ୟ ପାଣିଗ୍ରାହି, ସୁଜିତ ସାଇଁ ଓ ଚିନ୍ମୟ ପଣ୍ଡା ମ୍ୟାଚ ପରିଚାଳନା କରିଥିଲେ । ମଣ୍ଡିଂ କ୍ରିକେଟ କ୍ଳବର ସଦସ୍ୟ ପରିଚାଳନାରେ ସହଯୋଗ କରିଥିଲେ ।
