ଲ୍ୟାଣ୍ଡମାଇନ ବିସ୍ଫୋରଣରେ ଉଠାଇଲେ ବ୍ରିଜ…
ମାଲକାନଗିରି : ସୀମାନ୍ତ ଛତିଶଗଡରେ ପୁଣି ବିଭିନ୍ନ ସ୍ଥାନରେ ଲାଲତାଣ୍ଡବ ଦେଖିବାକୁ ମିଳିଛି । ସୁକୁମା ଜିଲ୍ଲାର କ୍ରିଷ୍ଟାରାମ ଜଙ୍ଗଲରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟିଥିବା ବେଳେ ଏଥିରେ ଜଣେ ମାଓବାଦୀର ମୃତ୍ୟୁହୋଇଥିବା ସୂଚନା ମିଳିଛି । ସେହିପରି ଗଡଚିରୋଲି ଅଂଚଳରେ ଗୋରାଗୁଣ୍ଡା ଏବଂ ଝାରବେଡା ଗ୍ରାମରେ ପୁଲିସ ସୂଚନାଦାତା ସନ୍ଦେହରେ ୨ ଜଣଙ୍କୁ ହତ୍ୟା କରିଛି ଲାଲବାହିନୀ । ସେଥିମଧ୍ୟରୁ ନବୀନ ନାରୋଟେ ନାମକ ବ୍ୟକ୍ତି ପୂର୍ବରୁ ମାଓ କମାଣ୍ଡର ଭାବେ କାର୍ଯ୍ୟ କରିବା ପରେ ପୁଲିସ ନିକଟରେ ଆତ୍ମ ସମର୍ପଣ କରିଥିଲା । ଅନ୍ୟ ଜଣଙ୍କୁ ପୁଲିସ ସୂଚନାଦାତା ଅଭିଯୋଗରେ ଗୁଳି ହତ୍ୟା କରିଛନ୍ତି ନକ୍ସଲ। ଘଟଣା ପରେ ସିଆରପିଏଫ ପକ୍ଷରୁ କୁମ୍ବିଂ ଅପରେଶନ ଜୋରଦାର କରାଯାଇଥିବା ଜଣାପଡ଼ିଛି। ମାଲକାନଗିରି ସୀମାନ୍ତବର୍ତ୍ତୀ ଅଂଚଳରେ ମଧ୍ୟ ହାଇ ଆଲାର୍ଟ ଜାରି କରାଯାଇଛି।
