କୋରାପୁଟ: କାଜୁ ଜଙ୍ଗଲରେ ନର କଙ୍କାଳ ଠାବ । କୋରାପୁଟ ସଦର ଥାନା ଅନ୍ତର୍ଗତ ଏକଟାଗୁଡା ଗ୍ରାମ ନିକଟସ୍ଥ କାଜୁ ଜଙ୍ଗଲରୁ ଏକ ନର କଙ୍କାଳକୁ ଉଦ୍ଧାର କରାଯାଇଛି । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।କାଜୁ ଜଙ୍ଗଲରୁ ମିଳିଲା ନର କଙ୍କାଳ, ପୋଲିସର ଛାନଭିନ ଜାରି
ସୂଚନାଅନୁସାରେ, କଙ୍କାଳଟି ଶରୀର, ମୁଣ୍ଡ ଓ ହାତ ଛିଡି ଯାଇ ବିଭିନ୍ନ ସ୍ଥାନରେ ପଡ଼ିଥିବା ଦେଖିବାକୁ ମିଳିଛି । କାଜୁ ଜଙ୍ଗଲର ବିଭିନ୍ନ ସ୍ଥାନରେ ପୋଡାଜଳା ଚିହ୍ନ ରହିଥିବା ବେଳେ ଘଟଣାସ୍ଥଳରେ ଏକ ଲାଲ ଗାମୁଛା ମଧ୍ୟ ପଡ଼ିଥିବା ଖବର ସାମ୍ନାକୁ ଆସିଛି । ତେବେ କଙ୍କାଳଟି ମଣିଷର ହୋଇଥିବା ବେଳେ ତାହା ପୁରୁଷ ନା ମହିଳା ର ତାହା ସ୍ପଷ୍ଟ ହୋଇପାରୁନାହିଁ । ପ୍ରମାଣ ନଷ୍ଟ ପାଇଁ ହତ୍ୟା କରି ପୋଡିଥିବା ସନ୍ଦେହ କରାଯାଉଛି । ତେବେ ଏହା ହତ୍ୟା ନା ଆତ୍ମହତ୍ୟା ପୋଲିସ ତଦନ୍ତ ପରେ ପ୍ରକୃତ ଘଟଣା ସାମ୍ନାକୁ ଆସିବ ବୋଲି ସୂଚନା ଦେଇଛନ୍ତି କୋରାପୁଟ ପୋଲିସ ଏସଡିପିଓ ନୋଜ ପୂଜାରୀ ।
