ରାଉରକେଲା: ଅବକାରୀ ବିଭାଗର ଚଢ଼ାଉ। ରାଉରକେଲା ଅବକାରୀ ବିଭାଗ ମଦ କାରବାର ଉପରେ ଚଢ଼ାଉ କରିଛି । ରାଉରକେଲା ସେକ୍ଟର-୪ ଆଇବି ବସ୍ତିରେ ଚଢ଼ାଉ କରିଥିବା ଜଣାପଡିଛି । ଏଥିରେ ପ୍ରଚୁର ପରିମାଣରେ ବିଦେଶୀ ନକଲି ମଦ ଜବତ ହେବା ସହିତ ଜଣକୁ ଅବକାରୀ ବିଭାଗ ଗିରଫ କରିଛି । ଏହା ସହିତ ଦାମୀ କମ୍ପାନୀର ଖାଲି ମଦ ବୋତଲ, ଲେବୁଲ ସହ ମଦ ବୋତଲ ଠିପି ଜବତ ହୋଇଛି ।
ଜବତ ମଦର ମୂଲ୍ୟ ପାଖା ପାଖି ୪ ଲକ୍ଷ ଟଙ୍କା ହେବ । ଝାଡ଼ଖଣ୍ଡରୁ ଆଣି ରାଉରକେଲାର ବିଭିନ୍ନ ହୋଟେଲ ଢ଼ାବାରେ ଏହି ନକଲି ମଦ ଯୋଗାଇ ଦିଆ ଯାଉଥିଲା । ପରେ ଲୋକଙ୍କ ଠାରୁ ନିଆ ଯାଉଥିଲା ଅସଲି ମଦର ଅର୍ଥ ।ରାଉରକେଲା ଅବକାରୀ ବିଭାଗ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଏହି ରାକେଟରେ କେଉଁ ମାନଙ୍କର ସମ୍ପୃକ୍ତି ଅଛି ସେନେଇ ତଦନ୍ତ କରୁଛି ।
