ବଲାଙ୍ଗୀର : ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଅଞ୍ଚଳର ବିଭିନ୍ନ ସ୍ଥାନରେ ଆୟକର ବିଭାଗର ବଡ ଧରଣର ଚଢାଉ । ଏକାଧିକ ସ୍ଥାନରେ ବର୍ତ୍ତମାନ ଚଢାଉ ଜାରି ରହିଛି । କଣ୍ଟାବାଞ୍ଜି ସହରରେ ଥିବା ଠିକାଦାର ପୃଥିରାଜ ପାତ୍ରଙ୍କ ଘର ଓ ଅଫିସରେ ଚଢ଼ାଉ କରାଯାଇଛି । ବଙ୍ଗୋମୁଣ୍ଡା ଗାଁରେ ଥିବା ଠିକାଦାର କିଶନଲାଲ ଅଗ୍ରୱାଲଙ୍କ ଘରେ ଏବଂ ତାଙ୍କ ଅଫିସରେ ଚଢାଉ କରାଯାଇଛି ।
କଣ୍ଟାବାଞ୍ଜିର ଠିକାଦାର ଜଗଦୀପ ବଂସଲଙ୍କ କ୍ରସରରେ ମଧ୍ୟ ଆୟକର ବିଭାଗ ଚଢାଉ କରୁଛି । ଆୟକର ବିଭାଗ ଚଢ଼ାଉ ଜାରି ରଖି ବିଭିନ୍ନ କାଗଜ ପତ୍ରକୁ ଯାଞ୍ଚ କରୁଛି । ସୁବର୍ଣ୍ଣପୁର ଜିଲ୍ଲାର ରାମଚଣ୍ଡି କନଷ୍ଟ୍ରକ୍ସନ କମ୍ପାନୀରେ ଆୟକର ବିଭାଗର ଚଢାଉ ।
ଗତ ରାତି ୩ଟାରୁ ଆୟକର ବିଭାଗର ବିଭିନ୍ନ ଟିମ କମ୍ପାନୀର ସୁବର୍ଣ୍ଣପୁର ଜିଲ୍ଲା ସଦର ମହକୁମାସ୍ଥିତ ମୁଖ୍ୟ କାର୍ଯ୍ୟାଳୟ,ସୋନପୁର ଏବଂ ବୌଦ୍ଧ ଜିଲ୍ଲା ବିଜାପଦର ଥିବା କ୍ରସର ଉପରେ ଚଢାଉ କରିଛି । ଆୟକର ଫାଙ୍କିବା ଅଭିଯୋଗରେ ବିଭାଗ ପକ୍ଷରୁ ଏହି ଚଢାଉ ଜାରି ରହିଥିବା ଜଣାପଡିଛି ।
