ନୂଆଦିଲ୍ଲୀ: ଦିଲ୍ଲୀ ନିର୍ବାଚନ ପାଇଁ ଜୋରଦାର ପ୍ରସ୍ତୁତି ଚଳାଇଛନ୍ତି ବିଭିନ୍ନ ଦଳର ନେତା। ଭୋଟରଙ୍କୁ ଆକୃଷ୍ଟ କରିବା ପାଇଁ ଏହି ନେତାମାନେ ବିଭିନ୍ନ ପ୍ରତିଶ୍ରୁତି ଭୋଟରଙ୍କ ଆଗରେ ରଖୁଛନ୍ତି । ସେପଟେ ନାମାଙ୍କନ ପ୍ରକ୍ରିୟା ମଧ୍ୟ ଶେଷ ପର୍ଯ୍ୟାୟରେ ପହଞ୍ଚିଲାଣି। ଏହାରି ମଧ୍ୟରେ ଦିଲ୍ଲୀ ବିଧାନସଭା ନିର୍ବାଚନ ପାଇଁ ବିଜେପି ଜାରି କରିଛି ଷ୍ଟାର ପ୍ରଚାରକ ତାଲିକା। ଦଳ ୪୦ ପ୍ରମୁଖ ବଡ଼ ନେତାଙ୍କୁ ସ୍ଥାନ ଦେଇଛି ଏହି ତାଲିକାରେ। ବୁଧବାର ଏନେଇ ଦଳର ରାଷ୍ଟ୍ରୀୟ ସାଧାରଣ ସଂପାଦକ ଅରୁଣ ସିଂହ ନିର୍ବାଚନ ଆୟୋଗଙ୍କୁ ସୂଚନା ଦେଇଛନ୍ତି।
ଜାରି ହୋଇଥିବା ଷ୍ଟା କ୍ୟାମ୍ପେନରଙ୍କ ତାଲିକାରେ ରହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ଅଧ୍ୟକ୍ଷ ଜେପି ନଡ୍ଡା, ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ, ଗୃହମନ୍ତ୍ରୀ ଅମିତ ଶାହ, କେନ୍ଦ୍ରମନ୍ତ୍ରୀ ନୀତୀନ ଗଡକରୀ, କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ, କେନ୍ଦ୍ରମନ୍ତ୍ରୀ ଶିବରାଜ ସିଂହ ଚୌହାନ, କେନ୍ଦ୍ର ମନ୍ତ୍ରୀ ମନୋହର ଲାଲ ଖଟ୍ଟର, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ରମନ୍ତ୍ରୀ ସରଦାର ହରଦୀପ ସିଂହ ପୁରୀ, କେନ୍ଦ୍ରମନ୍ତ୍ରୀ ଗିରିରାଜ ସିଂହ। ସେହିଭଳି ବିଜେପି ରାଷ୍ଟ୍ରୀୟ ଉପାଧ୍ୟାକ୍ଷ ଏବଂ ଓଡ଼ିଶା ବିଜେପି ନେତା ବୈଜୟନ୍ତ ପଣ୍ଡା ମଧ୍ୟ ରହିଛନ୍ତି ଏହି ଷ୍ଟାର କ୍ୟାମ୍ପେନର ତାଲିକାରେ।
୭ ମୁଖ୍ୟମନ୍ତ୍ରୀଙ୍କୁ ମଧ୍ୟ ମିଳିଛି ସ୍ଥାନ
ତାଲିକାରେ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀଙ୍କୁ ମଧ୍ୟ ସାମିଲ କରାଯାଇଛି। ଏଥିରେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସ, ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା, ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ, ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ, ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା ଏବଂ ହରିୟାଣ ମୁଖ୍ୟମନ୍ତ୍ରୀ ନାୟବ ସିଂହ ସୈନୀଙ୍କ ନାଁ ସାମିଲ ରହିଛି। ଉତ୍ତର ପ୍ରଦେଶ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ, ରାଜସ୍ଥାନର ଉପମୁଖ୍ୟମନ୍ତ୍ରୀ ପେମଚନ୍ଦ ବୈରବା ଏବଂ ବିହାର ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀଙ୍କୁ ମଧ୍ୟ ସ୍ଥାନ ମିଳିଛି।
ଏହା ବାଦ ଦିଲ୍ଲୀ ବିଜେପି ଅଧ୍ୟକ୍ଷ ବିରେନ୍ଦ୍ର ସଚଦେବ, ସାଂସଦ ଅତୁଲ ଗର୍ଗ, ଦିଲ୍ଲୀ ବିଜେପି ସହ-ପ୍ରଭାରୀ ଡା. ଅଳକା ଗୁର୍ଜର, କେନ୍ଦ୍ରମନ୍ତ୍ରୀ ଏବଂ ଦିଲ୍ଲୀ ସାଂସଦ ହର୍ଷ ମଲହୋତ୍ରା, ସାଂସଦ ମନୋଜ ତଓ୍ବାରୀ, ସାଂସଦ ରାମବୀର ସିଂହ ବିଧୂଡ଼ି, ସାଂସଦ ଯୋଗେନଦ୍ର ଚନ୍ଦୋଲିୟା, ସାଂସଦ କମଲଜୀତ ସିଂହ ସହରାଓ୍ବତ, ସାଂସଦ ପ୍ରବୀଣ ଖଣ୍ଡେଲଓ୍ବାଲ, ସାଂସଦ ବାଂସୁରୀ ସ୍ବରାଜ, ସାଂସଦ ଅନୁରାଗ ଠାକୁର, ସାଂସଦ ହେମା ମାଳିନୀ, ସାଂସଦ ରବି କିଶନ, ସାଂସଦ ଦିନେଶ ଲାଲ ଯାଦବ (ନିରହୁଆ), ପୂର୍ବତନ ସାଂସଦ ସ୍ମୃତି ଇରାନୀ, ପୂର୍ବତନ ସାଂସଦ ଡା. ହର୍ଷବର୍ଦ୍ଧନ, ପୂର୍ବତନ ସାଂସଦ ହଂସରାଜ ହଂସ ଏବଂ ଦିଲ୍ଲୀ ନଗର ନିଗମ ନେତା ସରଦାର ରାଜା ଇକବାଲ ସିଂହ ରହିଛନ୍ତି।
