କଟକ : କଟକ କାଠଯୋଡ଼ି ନଦୀପଠାରୁ ମହିଳାଙ୍କ ମୃତଦେହ ଉଦ୍ଧାର ଘଟଣାରେ ମୁଖ୍ୟ ଅଭିଯୁକ୍ତ ଗିରଫ । ମୃତ ମହିଳାଙ୍କ ସ୍ୱାମୀକୁ ରାଜ୍ୟ ବାହାରୁ ଗିରଫ କଲା କମିଶନରେଟ୍ ପୋଲିସ । ମୃତ ମହିଳାଙ୍କ ଘର କେନ୍ଦ୍ରାପଡ଼ାରେ ବୋଲି ସୂଚନା ମିଳିଛି । ସାଇବର ଥାନାର ବୈଷୟିକ ସହାୟତାରେ ଆଖ ପାଖ ଅଂଚଳର ସିସିଟିଭି ଯାଞ୍ଚ କରିଥିଲା ପୋଲିସ ।
ହାତର ଚିତା କୁଟା ତଥ୍ୟକୁ ଆଧାର କରି ନିର୍ଦ୍ଦିଷ୍ଟ ଆଶ୍ରମକୁ ଯାଇ ମହିଳାଙ୍କ ସମ୍ପର୍କରେ ପଚରାଉଚରା କରିଥିଲା ପୋଲିସ । ଏହାପରେ ରାଜ୍ୟ ବାହାରୁ ଅଭିଯୁକ୍ତକୁ ଗିରଫ କରାଯାଇଛି । ତଦନ୍ତ ପାଇଁ କମିଶନରେଟ ପୋଲିସ ଦୁଇଟି ସ୍ଵତନ୍ତ୍ର ଟିମ୍ ଗଠନ କରିଥିଲା । ମୃତ ମହିଳାଙ୍କ ୧୦ ଟି ଯାକ ଆଙ୍ଗୁଳିର ଫିଙ୍ଗର୍ ପ୍ରିଣ୍ଟ ସଂଗ୍ରହ କରିଥିଲା । ଏଗୁଡ଼ିକର ଆଧାର ଲିଙ୍କ୍ ନେଇ ଯାଞ୍ଚ କରିଥିଲା ପୋଲିସ ।
