ଉମରକୋଟ : ଜଣେ (୨୪) ବର୍ଷୀୟା ଯୁବକଙ୍କ ସଡ଼କ ଦୁର୍ଘଟଣା ରେ ମୃତ୍ୟୁ ଘଟିଛି । ସୂଚନା ଥାଉକି ରାଇଘର ବ୍ଲକ ଅନ୍ତର୍ଗତ ହାତୀଗାଁ ପଞ୍ଚାୟତ ଖାଲେପାରା ଗ୍ରାମର ମୁଖ୍ୟ ରାସ୍ତାକୁ ଲାଗି ରହିଥିବା ଝୁଗଡୁ ଗଣ୍ଡର ଘର ପାଖରେ ଥିବା ଗୋଶାଳା ନିକଟରେ ଦୁର୍ଘଟଣା ଘଟିଛି । ମୃତ୍ୟୁ ବରଣ କରୁଥିବା ଯୁବକ ଟି ହେଲେ ଛତିଶଗଡ ରାଜ୍ୟର ଗଡ଼ିଆବନ୍ଧ ଜ଼ିଲ୍ଲା ମେନପୁର ବ୍ଳକ ଅନ୍ତର୍ଗତ ଭୁତବେଡା ଗ୍ରାମର ଚୁନୁଲାଲ ନେତାମଙ୍କ ପୁଅ ନୂତନ ଗଣ୍ଡ ବୋଲି ଜଣାପଡିଛି ।
ସୂଚନାପ୍ରକାରେ ମାଓ ପ୍ରବଣ ରାଇଘର ବ୍ଲକ ହାତୀଗାଁ ଠାରେ ବିଗତ କାଲି ରାତିରେ ଆଲୋକର ପର୍ବ ଦୀପାବଳି ପାଇଁ ଏକ ନାଟକ ପରିବେଷଣ ହୋଇଥିଲା ଉକ୍ତ ନାଟକ ଦେଖିବାକୁ ଆସି ବିଳମ୍ବିତ ରାତିରେ ନୂତନ ଗଣ୍ଡ ଘରେ ଫେରିବା ସମୟରେ ନିଜର ମଟର ସାଇକେଲ ପଲସର ଗାଡିଟିର ଭାରସାମ୍ୟ ହରାଇ ଗଣ୍ଡ ଗୋଶାଳା ପାଖରେ ଥିବା ଗଛରେ ପିଟି ହୋଇ ଗୋଶାଳା ସମ୍ମୁଖରେ ପଡ଼ି ଘଟଣାସ୍ଥଳରେ ମୃତ୍ୟୁବରଣ କରିଥିଲା । ଏହାକୁ ନେଇ ସକାଳେ ସ୍ଥାନୀୟ ଅଞ୍ଚଳବାସୀ ରାଇଘର ଥାନାରେ ଖବର ଦେବା ପରେ, ରାଇଘର ଥାନା ପୋଲିସ ପ୍ରଶାସନ ଘଟଣାସ୍ଥଳରେ ପହଁଞ୍ଚି ଶବଟିକୁ ଜବତ କରି ରାଇଘର ପ୍ରାଥମିକ ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ଭୁତବେଡାରୁ ପରିବାର ଵର୍ଗ ଆସିବା ପରେ ଶବ ବ୍ୟବଛେଦ କରି ପରିବାର ଵର୍ଗଙ୍କୁ ହସ୍ତାନ୍ତର କରାଯାଇଥିଲା। ରାଇଘର ଥାନାର ଭାରପ୍ରାପ୍ତ ଅଧିକାରୀ ଶ୍ରୀ ରଘୁନାଥ ମାଝୀ ଏହାକୁ ନେଇ କେସ ନଂ ୨୯୪, ଅଣ୍ଡର ସେକସନ ୨୭୯/୩୦୪ଏ ମାମଲା ରୁଜୁ କରି ତଦନ୍ତ ଜାରି ରଖିଛନ୍ତି।
