ମୁମ୍ବାଇ: ଆଇପିଏଲ ୨୦୨୫ ପୂର୍ବରୁ କିଛି ଫ୍ରାଞ୍ଚାଇଜ ଆଶ୍ଚର୍ଯ୍ୟଜନକ ଘୋଷଣା କରିଛନ୍ତି। କେକେଆର ଦଳର ଅଧିନାୟକ ଥିବା ଶ୍ରେୟସ ଆୟରଙ୍କୁ ରିଲିଜ କରିଦେଇଛି। ଦଳ ଅତିବେଶୀରେ ୬ ଜଣ ଖେଳାଳିଙ୍କୁ ରିଟେନ କରି ବାକି ସମସ୍ତ ଖେଳାଳିଙ୍କୁ ରିଲିଜ କରି ଦେଇଛି।
ଏହି କ୍ରମରେ ଦେଖିବାକୁ ଗଲେ କେକେଆର ରିଙ୍କୁ ସିଂହଙ୍କୁ ସବୁଠାରୁ ଅଧିକ ଟଙ୍କା ଅର୍ଥାତ ୧୩କୋଟି ଟଙ୍କା ଦେଇ ରିଟେନ କରିଛି । ଆଇପିଏଲ ୨୦୨୪ରେ ଦଳ ଯେତେବେଳେ ଚମ୍ପିୟାନ ହୋଇଥିଲା ସେତେବେଳେ ରିଙ୍କୁଙ୍କ ପାରିଶ୍ରମିକ ୫ଲକ୍ଷ ଟଙ୍କା ଥିଲା। ସମ୍ପ୍ରତି କେକେଆରର ମାଲିକ ଶାହରୁଖ ଖାନ ରିଙ୍କୁଙ୍କୁ ମାଲାମାଲ କରି ତାଙ୍କ ପାରିଶ୍ରମିକକୁ ୨୪ଗୁଣା ବୃଦ୍ଧି କରି ଦେଇଛନ୍ତି।
୨୦୨୩ ଆଇପିଏଲରେ କେକେଆର ଦଳରେ ଖେଳୁଥିବା ରିଙ୍କୁ ସିଂହ ଦଳର ଫିନିସର ଭାବେ ଜବରଦସ୍ତ ପ୍ରଦର୍ଶନ କରିଥିଲେ । ଆଇପିଏଲରେ ଭଲ ପ୍ରଦର୍ଶନ ପରେ ତାଙ୍କୁ ଭାରତୀୟ ଦଳରେ ସ୍ଥାନ ମିଳିଥିଲା ।
ପଞ୍ଜାବ କିଙ୍ଗ୍ସ ଜରିଆରେ ରିଙ୍କୁ ଡେବ୍ୟୁ କରିଥିଲେ । ୨୦୧୮ ପରଠାରୁ ସେ କେକେଆର ଦଳ ପାଇଁ ଖେଳୁଛନ୍ତି । ରିଙ୍କୁ ବର୍ତ୍ତମାନ ସୁଦ୍ଧା କେକେଆର ପାଇଁ ମୋଟ ୪୬ଟି ମ୍ୟାଚ ଖେଳି ୮୯୩ ରନ ସଂଗ୍ରହ କରିଛନ୍ତି । କେବଳ ଏତିକି ନୁହେଁ ରିଙ୍କୁଙ୍କ ନାମରେ ୪ଟି ଅର୍ଦ୍ଧଶତକ ରହିଛି । କେକେଆର ମାଲିକଙ୍କ ପାଇଁ ଦଳ ମଧ୍ୟରୁ ସବୁଠାରୁ ପସନ୍ଦର ଖେଲାଳି ହେଉଛନ୍ତି ରିଙ୍କୁ ।
