ଚାନ୍ଦବାଲି : ବନ୍ୟା ପାଣିରେ ଭାସି ଯୁବକ ନିଖୋଜ । ଭଦ୍ରକ ଜିଲ୍ଲା ଧୂଷୁରୀ ଥାନା ଅନ୍ତର୍ଗତ ଧୂଷୁରୀ ପଞ୍ଚାୟତ ବ୍ରାହ୍ମଣୀପାଳ ପଣ୍ଡା ପାଟଣା ଗାଁ ଜଣେ ଯୁବକଙ୍କ ବନ୍ୟା ପାଣିରେ ଭାସି ଯାଇ ନିଖୋଜ ହୋଇଯାଇଛନ୍ତି । ଘଟଣାସ୍ଥଳରେ ଧାମନଗର ଅଗ୍ନିଶମ ବାହିନୀ ପହଞ୍ଚି ଖୋଜାଖୋଜି ଆରମ୍ଭ କରିଛି । ଗାଁ ପାଖରେ ଥିବା ଗେଙ୍ଗୁଟି ନଦୀର ଶାଖା ନଦୀର କଣ୍ଡିଆ ନାଳରେ ଯୁବକ ଭାସି ଯାଇଥିବା ସୂଚନା ମିଳିଛି । ନିଖୋଜ ହୋଇଥିବା ଯୁବକ ହେଲେ ଗ୍ରାମର ପ୍ରଦୀପ କୁମାର ପଣ୍ଡାଙ୍କ ପୁଅ ରୁଦ୍ରନାରାୟଣ ପଣ୍ଡା । ଘଟଣାସ୍ଥଳରେ ଧାମନଗର ଅଗ୍ନିଶମ ବାହିନୀ ପହଞ୍ଚି ବୋଟ୍ ମାଧ୍ୟମରେ ଖୋଜାଖୋଜି କରୁଥିବା ବେଳେ, ଧୂଷୁରୀ ପୋଲିସ, ଧାମନଗର ବିଡ଼ିଓ, ତହସିଲଦାର ପହଞ୍ଚିଛନ୍ତି ।
