ଉମରକୋଟ : ନବରଙ୍ଗପୁର ଜ଼ିଲ୍ଲା ରାଇଘର ସଦର ଗତକାଲି ଭାଦ୍ରବ ମାସର ୩୦ ରିଖ ତଥା ଇଂରାଜୀ ତା ୧୫/୦୯/୨୦୨୪ ରିଖ ରବିବାର ସନ୍ଧ୍ୟା ୭ ଘଟିକା ସମୟରେ ସ୍ଥାନୀୟ ତପନ କଲ୍ୟାଣ ମଣ୍ଡପ ଠାରେ (ରାଇଘର) ସତସଙ୍ଗ ଭାଦ୍ର ପରିକ୍ରମାର ଉଦଯାପନୀ ଉତ୍ସବ ଏକ ଭବ୍ୟ ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଛି । ଉକ୍ତ ଉଦଯାପନୀ ଉତ୍ସବରେ ନବରଙ୍ଗପୁରରୁ ରିତ୍ତିକ୍ ଦେବତା ଶ୍ରୀ ଜଗତ ବନ୍ଧୁ ସାହୁ ଏବଂ ଶ୍ରୀ କାଳୀ ଭାଇ ଯୋଗ ଦେଇଥିଲେ ।
ସର୍ବପ୍ରଥମେ ଶଙ୍ଖ ଧ୍ୱନି ସହିତ ବିନତି ପ୍ରାର୍ଥନା କରଯାଇଥିଲା । ଏହା ପରେ ସତ୍ୟାନୁସରନ୍ ଗ୍ରନ୍ଥ ପାଠ କରିଥିଲେ ଶ୍ରୀ ସୌମ୍ୟରଂଜନ ଜେନା ଭାଇ ଏବଂ ନାରୀର ନୀତି ଗ୍ରନ୍ଥ ପାଠ କରିଥିଲେ ପ୍ରିୟଙ୍କା ପରିଡ଼ା ମା । ଭଜନ ପରିବେଷଣ କରିଥିଲେ ଶ୍ରୀ କଳ୍ପେଶ ମହାରଣା, ଶ୍ରୀ ପ୍ରଣବେଶ ଚିନ୍ତାପାତ୍ର, ଶ୍ରୀମତୀ ମିନତୀ ବିଶ୍ୱାସ ଏବଂ ଶ୍ରୀ ଯାଦବ ଭାଇ । ଭଜନ ପରେ କୀର୍ତ୍ତନ ପରିବେଷଣ କରିଥିଲେ ଶ୍ରୀ ଅଶୋକ ପ୍ରଧାନ ଭାଇ ଏବଂ ତାଙ୍କ ସାଥିବୃନ୍ଦ ।
କୀର୍ତ୍ତନ ପରେ ପରେ ଅନୁଷ୍ଠାନ ସମ୍ପର୍କରେ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ପଞ୍ଚାୟତ ସମିତି ମହାବିଦ୍ୟାଳୟ ଅଧ୍ୟକ୍ଷ ଶ୍ରୀ ପରୀକ୍ଷିତ ସାହୁ । ଏହା ପରେ ଆରମ୍ଭ ହୋଇଥିଲା ନବରଙ୍ଗପୁର ଠାରୁ ଆସିଥିବା ରିତ୍ତିକ ଦେବତାଙ୍କ ଦ୍ଵାରା ଯାଜନ କାର୍ଯ୍ୟକ୍ରମ । ଶ୍ରୀ ଶ୍ରୀ ଠାକୁରଙ୍କ ଆଦର୍ଶ, ଲୀଳା, ଅମିୟ ଭାବଧାରା ସର୍ବପରି ଜଗତ କଲ୍ୟାଣ ସାଧନ ନିମନ୍ତେ ବାଣୀ ଏବଂ ଆମ ଦୈନନ୍ଦିନ ଜୀବନଶୈଳୀ କେମିତି ହେଲେ ଏକ ସୁସ୍ଥ ପରିବାର ତଥା ସମାଜ ଗଠନ ହୋଇପାରିବ ଥିଲା ଆଲୋଚନାର ପ୍ରସଙ୍ଗ ।
ଶ୍ରୀ ଶ୍ରୀ ଠାକୁରଙ୍କ ଦିବ୍ୟ ଜୀବନ ଏବଂ ଭାବଧାରା ଆଲୋଚନା ପରେ ସମସ୍ତଙ୍କ ଅତି ପ୍ରିୟ କେଶବ ପଟ୍ଟନାୟକ ଭାଇ ଜୟ ରାଧେ ଗାନ କରିଥିଲେ । ଶେଷରେ ବାଳକ ଅର୍ଣ୍ଣବ୍ ଭାଇଙ୍କ ବନ୍ଦେ ପୁରୁଷୋତ୍ତମ ଧ୍ୱନି ସେହି ଭବ୍ୟ ପରିବେଶକୁ ମୁଖରିତ କରିଥିଲା । ଅନୁଷ୍ଠାନର କାର୍ଯ୍ୟକ୍ରମକୁ ପରିଚାଳନା କରିଥିଲେ ରିତ୍ତୀକ ଦେବତା ଶ୍ରୀ ଜଗତ ବନ୍ଧୁ ସାହୁ ଦାଦା । ଭାଦ୍ର ସତସଙ୍ଗ ଉଦଯାପନୀ ଉତ୍ସବରେ ପ୍ରାୟ ତିନି ଶହ ଭକ୍ତଙ୍କ ସମାଗମ ହୋଇଥିଲା । ଶେଷରେ ସମସ୍ତେ ଆନନ୍ଦ ବଜାର ପ୍ରସାଦ ସେବନ କରି ନିଜ ନିଜ ଗୃହକୁ ପ୍ରତ୍ୟାବର୍ତନ କରିଥିଲେ ।
