ମାଲକାନଗିରି : ସ୍ୱାଭିମାନ ଅଞ୍ଚଳରେ ଓଟି ଏଲ୍ ପି ପ୍ଲସ ପକ୍ଷରୁ ବିକାଶମୂଳକ କାର୍ଯ୍ୟ କୁ ତ୍ଵରାନିତ କରିବା ପାଇଁ ‘ବିକାଶ’ ସଂସ୍ଥା ସହ 2021-22 ମସିହାରେ ଚୁକ୍ତିନାମା କରାଯାଇଥିଲା। ଆର୍ଥିକ ବର୍ଷ 2023-24 ରେ ଦୋରାଗୁଡା ପଞ୍ଚାୟତର ତାଟମାନଗୁଡା ଠାରେ ୬ଲକ୍ଷ ଟଙ୍କା ବ୍ୟୟରେ ଚାଷୀ ମାନଙ୍କ ଜମିରେ ଜଲସେଚନ ସୁବିଧା ନିମନ୍ତେ ଅଟକଳ କରାଯାଇ ଏକ ସୋଲାର ପ୍ରକଳ୍ପ କରାଯାଇଥିଲା। କିନ୍ତୁ ନିମ୍ନ ମାନର କାର୍ଯ୍ୟ ହେତୁ ଗତକାଲି ଲଗାଣ ବର୍ଷାରେ ସମ୍ପୂର୍ଣ୍ଣ ପ୍ରକଳ୍ପଟି ଧୋଇ ହୋଇ ଯାଇଛି।
ଓ ଟି ଏଲ୍ ପି ପ୍ଲସ ର ପିଓପିଏମଇ ଓ ଡବ୍ଲୁ ଡି ଓ ଅଧିକାରୀ ଙ୍କ ମନମୁଖି କାର୍ଯ୍ୟ ଓ ଠିକ୍ ସମୟରେ କାର୍ଯ୍ୟ ତଦାରଖ ନ କରିବା ହେତୁ ଏହି ଭଳି ଅବସ୍ଥା ଉପୁଜିଛି ବୋଲି ଗ୍ରାମବାସୀ ଅଭଯୋଗ କରିଛନ୍ତି। ଆଗରୁ ଏହି ଭଳି ନିମ୍ନ ମାନର କାର୍ଯ୍ୟ କୁ ନେଇ ଅନେକ ଖବର ପ୍ରସାରଣ ହୋଇଥିଲେ ମଧ୍ୟ ଉକ୍ତ ବିଭାଗ ପକ୍ଷରୁ ଅଧିକାରୀଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନିଆ ଯାଇ ନଥିବା ବେଳେ ବର୍ତ୍ତମାନ ର ଏହିଭଳି କାର୍ଯ୍ୟକୁ ନେଇ ଏବେ ସାଧାରଣ ରେ ପ୍ରଶ୍ନବାଚୀ ସୃଷ୍ଟି କରିଛି।
ଆଗାମୀ ଦିନରେ ତାଟମାନଗୁଡା ଗ୍ରାମବାସୀ କିଭଳି ଚାଷ କରିବେ ସେନେଇ ଗ୍ରାମବାସୀ ଙ୍କ ମୁଣ୍ଡରେ ଚଡ଼କ ପଡ଼ିଛି। ତାଟମାନଗୁଡା ରେ ଯଥା ଶୀଘ୍ର ଆଉ ଏକ ସୋଲାର ପ୍ରକଳ୍ପ କରିବାକୁ ଗ୍ରାମବାସୀ ମାନେ ଦାବି କରିଛନ୍ତି ଯଦି ଏହି ଦାବି ପୂରଣ ନ କରାଯାଏ ତାହା ହେଲେ ଆଗାମୀ ଦିନରେ ତୀବ୍ର ଆନ୍ଦୋଳନ ସହ ଓ ଟି ଏଲ୍ ପି ପ୍ଲସ ଅଫିସ ଘେରାଉ କରାଯିବ ବୋଲି ଚେତାବନୀ ଦେଇଛନ୍ତି।
