ହିଞ୍ଜିଳିକାଟୁ, ୨୨।୮(): ଗଞ୍ଜାମ ଜିଲ୍ଲା ହିଞ୍ଜିଳି ଥାନା ତଥା ଶେରଗଡ଼ ବ୍ଲକ ଅନ୍ତର୍ଗତ କାଞ୍ଜିଆମା ଛକରେ ଗୁରୁବାର ରାତିରେ ନଦୀ ବାଲି ଚାଲାଣ ବେଳେ ଦୁର୍ଘଟଣା କାରଣରୁ ଉତ୍ୟକ୍ତ ଲୋକ ୨ ଟି ବାଲି ବୋଝେଇ ହାଇଓ୍ବା କୁ ଜାଳି ଦେଇଛନ୍ତି। ପ୍ରକାଶ ଯେ, ଗୁରୁବାର ରାତିରେ ହିଞ୍ଜିଳି ଥାନା ଅଧୀନ କାଞ୍ଜିଆମା ଛକରେ ଏକ ନଦୀ ବାଲି ବୋଝେଇ ହାଇଓ୍ବା ତହଁର ସରପଞ୍ଚ ଶିବରାମ ମେହଣାଙ୍କୁ ଧକ୍କା
ଦେଇଥିଲା। ଫଳରେ ସେ ଆହତ ହୋଇଥିଲେ। ଆହତ ସରପଞ୍ଚ ମେହେଣା ହିଞ୍ଜିଳିକାଟୁ ଏସଡିଏଚ ରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ଏହି ଖବର ପାଇ ଉକ୍ତ ପଞ୍ଚାୟତ ର ପ୍ରାୟ ୨୦ ରୁ ୨୫ ଉତ୍ୟକ୍ତ ଲୋକ କାଞ୍ଜିଆମା ଛକରେ ପହଞ୍ଚି ନଦୀ ବାଲି ଚାଲାଣ ହେଉଥିବା ଅନ୍ୟ ୨ ହାଇଓ୍ବା କୁ ନିଆଁ ଲଗାଇ ଦେଇଥିଲେ। ଖବରପାଇ ହିଞ୍ଜିଳିକାଟୁ ଦମକଳ ବାହିନୀ ପହଞ୍ଚି ନିଆଁ ଲିଭାଇଛନ୍ତି। ହିଞ୍ଜିଳି ପୁଲିସ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କ ସହ ଆଲୋଚନା ଚଳାଇଛନ୍ତି। ଅନ୍ୟ ପକ୍ଷରେ ଦୁର୍ଘଟଣାରେ ଆହତ ସରପଞ୍ଚ ମେହେଣା ଚିକିତ୍ସା ପରେ ଘରକୁ ଫେରିଛନ୍ତି। ପ୍ରକାଶ ଥାଉ କି, ଉକ୍ତ ଅଞ୍ଚଳରୁ ନଦୀ ବାଲି ଉଠାଣକୁ ପଞ୍ଚାୟତ ପକ୍ଷରୁ ବିରୋଧ କରାଯାଇଥିଲା। ଉକ୍ତ ରାସ୍ତାରେ ହାଇଓ୍ବା, ଟିପର ଆଦି ବାଲି ବୋଝେଇ ଗାଡ଼ି ପାଇଁ ବାରମ୍ବାର ଦୁର୍ଘଟଣା ଘଟୁଥିବା ଅଭିଯୋଗ ହେଉଛି। ପୋଲିସ ଘଟଣାର ତଦନ୍ତ ଚଳାଇଛି।
