ଝାରସୁଗୁଡା: ମହାନଦୀ କୋଲଫିଲ୍ଡସ ଲିମିଟେଡ (ଏମସିଏଲ) ର ଜଣେ ଅଧିକାରୀଙ୍କୁ ଜୋତା ଫିଙ୍ଗିବା ଅଭିଯୋଗରେ ପୋଲିସ ଶୁକ୍ରବାର ଦିନ ବିଜେଡି ନେତ୍ରୀ ତଥା ପୂର୍ବତନ ସରପଞ୍ଚ ପାର୍ବତୀ ବେହେରାଙ୍କ ସମେତ ୪ ଜଣଙ୍କୁ ଗିରଫ କରିଛି।
ଏହି ଘଟଣା ଲଖନପୁର ବ୍ଲକର ଏମସିଏଲର ବନ୍ଦବାହାଲ କାର୍ଯ୍ୟାଳୟରେ ଘଟିଥିଲା। ତେବେ ଆକ୍ରମଣର ଏକ ଭିଡିଓ ଭାଇରାଲ ହେବା ପରେ ଏହି ଘଟଣା ସାମ୍ନାକୁ ଆସିଥିଲା।
ଏମସିଏଲ୍ କୋଇଲା ଖଣି ଜେନେରାଲ୍ ମ୍ୟାନେଜର ସଞ୍ଜୟ ଝାଙ୍କ ଅଭିଯୋଗ ଆଧାରରେ ଏହି ଚାରିଜଣଙ୍କୁ ଗିରଫ କରାଯାଇଛି। ସେ ଅଭିଯୋଗ କରିଛନ୍ତି ଯେ ପାର୍ବତୀ ଏବଂ ଅନ୍ୟ ଚାରିଜଣ ତାଙ୍କ ଅଫିସରେ ପଶିବା ସହ ଜୋତାରେ ପିଟିଥିଲେ।
