ଫୁଲବାଣୀ:କନ୍ଧମାଳ ଜିଲ୍ଲା ଫୁଲବାଣୀ ବ୍ଲକର ପୌରପରିଷଦ ଅନ୍ତର୍ଗତ ଏଫ ସି ଆଇ ନିକଟରେ ଥିବା ଅରବିନ୍ଦ ନଗରବାସୀ ଙ୍କ ଦେଖାଦେଇଛି ପାନୀୟ ଜଳ ସମସ୍ୟା । ବାରମ୍ବାର ଅଭିଯୋଗ ସତ୍ତ୍ଵେକୌଣସି ସମାଧାନ ହେଉନଥିବାରୁ ଅଞ୍ଚଳବାସୀ ମାନେ ଗରା ମାଠିଆ ଓ ବାଲଟି ନେଇ ଫୁଲବାଣୀ ଠାରୁ ବୌଦ୍ଧ ଓ ଭୁବନେଶ୍ଵର ଯିବା ରାସ୍ତାରୋକ କରିଥିଲେ । ଫଳରେ ଏହି ରାସ୍ତା ଦେଇ ଯାଚାୟତ ବାଧାପ୍ରାପ୍ତ ହୋଇଛି। ଲୋକଙ୍କ ଅଭିଯୋଗ ଅନୁଯାୟୀ, ଅରବିନ୍ଦ୍ ନଗରରେ ବହୁ ଦିନ ହେଲା ପାନୀୟ ଜଳ ସମସ୍ୟା ରହିଛି । ଏନେଇ ଅଞ୍ଚଳବାସୀ ଗୋଷୀ ଉନ୍ନୟନ ଅଧିକାରୀ ଏବଂ ଜିଲ୍ଲାପାଳଙ୍କୁ ଲିଖିତ
ଅଭିଯୋଗ ଦେଲାପରେ ବି କୌଣସି ସମାଧାନ ହେଉନି। ଫଳରେ ଅଞ୍ଚଳ ବାସୀ ପାନୀୟଜଳ ପାଇବାରୁ ବଞ୍ଚିତ ହୋଇଛନ୍ତି । ଚେଣୁ ଖୁବ୍ଶୀଘ୍ର ପାନୀୟ ଜଳ ସମସ୍ୟା ସମାଧାନ ପାଇଁ ଲୋକେ ଦାବି କରିଛନ୍ତି । ଶତାଧିକ ପୁରୁଷ ଓ ମହିଳା ହାଣ୍ଡି, ବାଲଟି ରଖି ରାସ୍ତା ଅବରୋଧ କରି ରହିଥିବା ଦେଖିବାକୁ ମିଳିଥିଲା । ପୁଲିସ ଓ ପ୍ରଶାସନିକ ଅଧିକାରୀମାନେ ପହଞ୍ଚି ଲୋକଙ୍କୁ ବୁଝାସୁଝା କରିବା ପାଇଁ ଚେଷ୍ଟା କରୁଛନ୍ତି ।
