ଫୁଲବାଣୀ : କନ୍ଧମାଳ ଜିଲ୍ଲା ଫୁଲବାଣୀ ପୌରପରିଷଦର ସ୍ଥାନୀୟ ଜଗନ୍ନାଥ ମନ୍ଦିର ପରିସରରେ ଥିବା ଶୈବପୀଠରେ ଶିବ ପାର୍ବତୀଙ୍କ ବିବାହ ଉତ୍ସବ ଅନୁଷ୍ଠିତ ହୋଇଯାଇଛି । ସୋମବାର ଦିନ ରୁଦ୍ରାଭିଷେକ, ହୋମ ଯଜ୍ଞ ପରେ ହର ପାର୍ବତୀ ବିବାହ ଉତ୍ସବ ଅନୁଷ୍ଠିତ ହୋଇଥିଲା । ଏହି ବିବାହ ଉତ୍ସବ ରେ ବର ପିତା, କନ୍ୟା ପିତା ଓ କର୍ତ୍ତା କିର୍ତ୍ତୀ ଭାବେ ମହେଶ୍ୱର ହାର୍ଲି ଓ ପ୍ରସନ୍ନ ବିଶୋୟୀ ଦାୟିତ୍ଵ ନିର୍ବାହ କରିଥିଲେ । ସେହିପରି ମନ୍ଦିର ପରିଚାଳନା କମିଟିର କର୍ମକର୍ତ୍ତା ମାନେ ସହଯୋଗ କରିଥିଲେ l
ଯଜ୍ଞରେ ପୂଜକ ଶଙ୍କର ପାଢୀ ଓ କାଳିଆ ପଣ୍ଡାଙ୍କ ତତ୍ବାବଧାନରେ ଯଜ୍ଞ ବିବାହ ଉତ୍ସବ ସହ ପୂଜାପାଠ କରାଯାଇଛି । ପରିଚାଳନା କମିଟିର ସଭାପତି ସୁନାସିର୍ ମହପାତ୍ର ଓ ସମ୍ପାଦକ ହରିଶ୍ଚନ୍ଦ୍ର ମହାରଣା, ଶଙ୍କର ବେହେରାଙ୍କ ସମେତ ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ l ଆଜି ଶିବ ପାର୍ବତୀଙ୍କ ନଗର ଭ୍ରମଣ କାର୍ଯ୍ୟକ୍ରମ ନିମନ୍ତେ ଯୋଜନା ରହିଛି ବୋଲି କମିଟି ପକ୍ଷରୁ କୁହାଯାଇଛି l
