ଫୁଲବାଣୀ : ଆଜି ବିଜେଡି ର କନ୍ଧମାଳ ଲୋକସଭା ପ୍ରାର୍ଥୀ ଡଃ ଅଚ୍ୟୁତ ସାମନ୍ତ ଚକାପାଦ ବ୍ଲକର ବିଭିନ୍ନ ଗ୍ରାମକୁ ଯାଇ ପଥପ୍ରାନ୍ତ ସଭା ସହ ଲୋକଙ୍କୁ ଭେଟି ଭୋଟ ଭିକ୍ଷା କରିଥିଲେ l ପ୍ରଥମେ ସେ ଚକାପାଦ ବ୍ଲକ ଅନ୍ତର୍ଗତ ବପଲମେଣ୍ଡି ଗ୍ରାମକୁ ଯାଇ ସେଠାରେ ଗ୍ରାମବାସୀଙ୍କୁ ଭେଟି ଥିଲେ l ଗ୍ରାମବାସୀମାନେ ଡଃ ସାମନ୍ତଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦେଇ ପାଛୋଟି ନେଇଥିଲେ l ଶ୍ରୀ ସାମନ୍ତ ଲୋକଙ୍କୁ ଭେଟି ନବୀନ ସରକାରଙ୍କ ବିଭିନ୍ନ ଯୋଜନା ବିଷୟରେ ସେମାନଙ୍କୁ ବୁଝାଇଵା ସହ ଭୋଟ ଭିକ୍ଷା କରିଥିଲେ l ପରେ ଆରବକାଠାରେ ପଥପ୍ରାନ୍ତ ସଭା କରିବା ସହ ଶଙ୍କରାଖୋଲ ଠାରେ ଏକ ରୋଡ଼ ସୋରେ ହାଟପଦା ପର୍ଯ୍ୟନ୍ତ ଯାଇ ସେଠାରେ ପଥପ୍ରାନ୍ତ ସଭା କରିଥିଲେ l ହାଟ ବୁଲି ଲୋକଙ୍କ ସହ ମିଶି ଡଃ ସାମନ୍ତ ଭୋଟ ଭିକ୍ଷା କରିଥିଲେ।
