ଚିକିଟୀ : ମଙ୍ଗଳବାର ଗଞ୍ଜାମ ଜିଲ୍ଲା ଗସ୍ତରେ ଆସି ଚିକିଟୀ ନିର୍ବାଚନ ମଣ୍ଡଳୀରେ ନିର୍ବାଚନ ପ୍ରଚାର କରିଛନ୍ତି ବରିଷ୍ଠ ବିଜେଡି ନେତା ତଥା ୫ ଟି ଅଧ୍ୟକ୍ଷ ଭି କାର୍ତ୍ତିକ ପାଣ୍ଡିଆନ।ଚିକିଟୀପେଣ୍ଠରେ ଆୟୋଜିତ ବିଜେଡିର ଏହି ମହାସମାବେଶରେ ପାଣ୍ଡିଆନ ସିଧାସଳଖ ବିଜେପିର ବ୍ରହ୍ମପୁର ସାଂସଦ ପ୍ରାର୍ଥୀ ପ୍ରଦୀପ ପାଣିଗ୍ରାହୀ ଙ୍କୁ ଟାର୍ଗେଟ କରି ଗରିବ ଲୋକଙ୍କ କଷ୍ଟ ଅର୍ଜିତ ଟଙ୍କା ଖାଇ ଜେଲ ଯାଇ ବେଲ ରେ ଆସିଥିବା ବ୍ୟକ୍ତି ପୁଣି ଖୁବ ଶୀଘ୍ର ଜେଲ ଯିବେ ବୋଲି କହିବା ସହିତ ଚିକିଟୀ ନିର୍ବାଚନ ମଣ୍ଡଳୀ ଏଥର ନିଜ ବିଜେଡି ପ୍ରାର୍ଥୀଙ୍କୁ ୫୦ ହଜାର ଭୋଟରେ ଜିତେଇବେ ବୋଲି କହିଥିଲେ ।ଚିକିଟୀରେ ଆୟୋଜିତ ନିର୍ବାଚନ ବିଜେଡି ପ୍ରଚାର ପାଇଁ ଆସିଥିବା ପାଣ୍ଡିଆନ ଚିକିଟୀରେ ହୋଇଥିବା ବିକାଶର ଚିଠା ପାଠ କରି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଃସ୍ୱାର୍ଥପର କାର୍ଯ୍ୟ ଯୋଗୁଁ ଆଜି ବିରୋଧୀ କେବଳ ଆଁ କରି ଚାହିଁ ରହି ଫମ୍ପା ଆୱାଜ ଛାଡ଼ୁଛି ବୋଲି ଉପସ୍ଥିତ ହଜାର ହଜାର ଲୋକଙ୍କୁ ପାଣ୍ଡିଆନ କହିଥିଲେ। କାର୍ଯ୍ୟକ୍ରମ ପ୍ରାରମ୍ଭରେ ବିଧାୟକ ପ୍ରାର୍ଥୀ ଶ୍ରୀରୂପ ଦେଓ ଓଡ଼ିଶାର ବିକାଶ ସହିତ ଚିକିଟୀ ର ବିକାଶ ପାଇଁ ମୁଖ୍ୟମନ୍ତ୍ରୀ ଙ୍କୁ ଭୁୟସୀ ପ୍ରଶଂସା କରିଥିଲେ। ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ର ମୁଖ୍ୟମନ୍ତ୍ରୀ ଓ ୫ଟି ସଚିବଙ୍କୁ ରୂପାନ୍ତରିତ ଓଡିଶା ପାଇଁ ପ୍ରଶଂସା କରି ନିଜ ପାଇଁ ଏବଂ ବିଧାନସଭା ପ୍ରାର୍ଥୀ ଶ୍ରୀରୂପଙ୍କ ପାଇଁ ଭୋଟଭିକ୍ଷା କରିଥିଲେ।
ଆୟୋଜିତ ବିଜେଡି ପ୍ରଚାର ସଭାରେ ପାଣ୍ଡିଆନ ପ୍ରଥମେ ମନ୍ତ୍ରୀ ଉଷାଦେବୀ ଙ୍କୁ ମୋର ମାଆ ବୋଲି ସମ୍ବୋଧନ କରି ତାଙ୍କୁ ପ୍ରଣାମ କରିଥିବା ବେଳେ ଉଷାଦେବୀ ମଧ୍ୟ ନିଜ ଅଭିଭାଷଣରେ ପାଣ୍ଡିଆନ ମୋର ବଡ଼ପୁଅ ବୋଲି କହିଥିଲେ। ମଙ୍ଗଳବାର ଅପରାହ୍ନ ୫ଟା ବେଳେ ବର୍ଷା ହେଉଥିବା ବେଳେ ପାଣ୍ଡିଆନ ସଭାସ୍ଥଳରେ ପହଞ୍ଚିବା କ୍ଷଣି ଜୟ ଜଗନ୍ନାଥ ଧ୍ୱନୀରେ ସଭାସ୍ଥଳ କମ୍ପି ଉଠିଥିଲା। ସଭାର ଚତୁଃପାର୍ଶ୍ଵରେ ପାଣ୍ଡିଆନ ଲୋକଙ୍କ ସହ କରମର୍ଦ୍ଦନ କରିବା ସହିତ ଯୁବକ,ମହିଳା ଓ ଛୋଟ ପିଲାଙ୍କ ସହ ଫୋଟ ଉଠେଇଥିଲେ। ଆୟୋଜିତ କାର୍ଯ୍ୟକ୍ରମରେ ସୁରେନ୍ଦ୍ର ମଣ୍ଡଳ,ଉଦୟ ପ୍ରଧାନ,ରାମନାଥ ପାଣିଗ୍ରାହୀ, ସଚ୍ଚିଦାନନ୍ଦ ରାଜଗୁରୁ,ଦୀପା କୁମାରୀ ସାହୁ,ଅନିତା ସାହୁ, ମଲୀ ବେହେରା, ଶିବାନି ବେହେରା,ହାରାମ୍ବ ରେଡ୍ଡୀ,ଏମ. ନାଗରାଜୁ,ଅଂଚଳ ପ୍ରଧାନ ,ରୀତା ମହାନ୍ତି,ଓ.ନାଗାମ୍ମା,ଅମିତା ପ୍ରଧାନ, ଶିବାନୀ ପାଢ଼ୀ,ରଘୁନନ୍ଦନ ସାହୁ ପ୍ରମୁଖଙ୍କ ସହ ଉଭୟ ଚିକିଟୀ ଓ ପାତ୍ରପୁର ବ୍ଲକ ବିଜୁ ଜନତା ଦଳର କର୍ମକାର୍ତ୍ତ। ଓ କର୍ମୀ ମାନେ ଉପସ୍ଥିତ ଥିଲେ।
