ଛତ୍ରପୁର : ଭାରତୀୟ ଜନତା ପାର୍ଟି ପକ୍ଷରୁ ଛତ୍ରପୁର ବିଧାନସଭା ପାଇଁ କୃଷ୍ଣ ଚନ୍ଦ୍ର ନାୟକଙ୍କୁ ଟିକେଟ ମିଳିଛି l ଏନେଇ ଆଜି ବିଜେପି ପକ୍ଷରୁ ଘୋଷଣା ହେବା ପରେ ବିଜେପି କାର୍ଯ୍ୟାଳୟରେ ଖୁସିର ଲହରୀ ଖେଳିଯାଇଛି l ଗତ କିଛି ଦିନ ତଳେ ବିଜେଡି ପକ୍ଷରୁ ଛତ୍ରପୁର ବିଧାୟକ ପ୍ରାର୍ଥୀ ଭାବେ ସୁବାସ ବେହେରାଙ୍କୁ ଟିକେଟ ପ୍ରଦାନ କରାଯାଇଥିବା ବେଳେ ବିଜେପି ପକ୍ଷରୁ ପ୍ରାର୍ଥୀ ତାଲିକା ଘୋଷଣା ହୋଇନଥିଲା l ତେବେ ଆଜି ସବୁ ପ୍ରତୀକ୍ଷାର ଅନ୍ତ ଘଟାଇ ଭାରତୀୟ ଜନତା ପାର୍ଟି ପକ୍ଷରୁ କୃଷ୍ଣ ଚନ୍ଦ୍ର ନାୟକଙ୍କୁ ଟିକେଟ ପ୍ରଦାନ କରାଯାଇଛି l ଏହା ପରେ କୃଷ୍ଣ କେନ୍ଦ୍ରୀୟ ନେତା, ଦଳୀୟ ନେତା ଓ ରାଜ୍ୟ ସଭାପତି ମନମୋହନ ସାମଲ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କୁ ଧନ୍ୟବାଦ ଜଣାଇଛନ୍ତି l ସୂଚନା ଥାଉ କି, ଗତ ସାଧାରଣ 2014 ନିର୍ବାଚନରେ କୃଷ୍ଣ ସିପିଆଇ ଦଳ ପକ୍ଷରୁ ବିଧାୟକ ପ୍ରାର୍ଥୀ ଭାବେ ନିର୍ବାଚନ ଲଢ଼ି ପରାଜୟ ବରଣ କରିଥିଲେ l ପରେ ସେ ବିଜେପି ଶିବିରରେ ଯୋଗ ଦେଇଥିଲେ l ସେ ବିଜେପିର ଏସସି ସେଲ ର ରାଜ୍ୟ ସମ୍ପାଦକ ଭାବେ କାର୍ଯ୍ୟ କରୁଥିଲେ l ଦଳ ତାଙ୍କ ଉପରେ ଆସ୍ଥା ପ୍ରକଟ କାରି ତାଙ୍କୁ ବିଧାୟକ ଟିକେଟ ପ୍ରଦାନ କରିଥିବାରୁ ସେ ସମସ୍ତଙ୍କୁ ଧନ୍ୟବାଦ ଜଣାଇବା ସହିତ ଖୁସି ଥିବା କହିଛନ୍ତି l
