ଫୁଲବାଣୀ : କନ୍ଧମାଳ ଜିଲ୍ଲା ଫୁଲବାଣୀ ସ୍ଥିତ ପଟାବାଲି ସାହି ନିକଟସ୍ଥ ବ୍ରିଜ ଉପରେ ଏକ ଅଜଣା ବ୍ଯକ୍ତିର ରକ୍ତରେ ଜୁଡ଼ୁବୁଡ଼ୁ ହୋଇ ପଡିଥିବା ଦେଖିବାକୁ ମିଳିଥିଲା l କିଛି ସ୍ଥାନୀୟ ଲୋକଙ୍କ ସହାୟତାରେ ମୁଖ୍ୟ ଚିକିତ୍ସାଳୟରେ ରକ୍ତାକ୍ତ ବ୍ଯକ୍ତିଙ୍କୁ ଭର୍ତ୍ତି କରାଇଥିଲେ l ପ୍ରାପ୍ତ ସୂଚନା ଅନୁଯାୟୀ ମୃତକ ଜଣଙ୍କ ଶ୍ରିବନ୍ତ ବେହେରା ବୟସ ୨୬ ବାପା ବାନମ୍ବର ବେହେରା ସଦର ଥାନା ଅନ୍ତର୍ଗତ ଦଡକି ପଂଚାୟତ କାଣୀଦଣୀ ଗ୍ରାମର ଗତକାଲି ବିଳମ୍ବିତ ରାତି ରେ ଗାଁରୁ ବାଇକ୍ ଯୋଗେ ଫୁଲବାଣୀ କିଛି ବ୍ୟକ୍ତିଗତ କାମ ନେ଼ଇ ଆସୁଥିବା ସମୟରେ ଭାରସାମ୍ୟ ହରାଇ ବ୍ରିଜରେ ବାଡ଼େଇ ହୋଇ ତଳେ ପଡିଯାଇଥିଲା l ଘଟଣା ସ୍ଥଳରେ ଛଟପଟ ହେଉଥିବା ସମୟରେ କିଛି ଲୋକ ଦେଖି ଫୁଲବାଣୀ ମୂଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିଲେ l ଚିକିତ୍ସାଧିନ ଅବସ୍ଥାରେ ଶ୍ରିବାନ୍ତ ବେହେରା ମୃତ୍ୟ ବରଣ କରିଥିବା ସୂଚନା ରହିଚି l ସୂଚନା ଥାଉ କି ପୁଅର ମୃତ୍ୟ କୁ ନେଇ ପରିବାର ଲୋକ ସହଜରେ ଗ୍ରହଣ କରିପାରୁନାହାନ୍ତି l ଏହା ସତରେ ଦୁର୍ଘଟଣା କି କଳ୍ପିତ ହତ୍ୟା କାଣ୍ଡ ବୋଲି ସନ୍ଧେହରେ ପରିବାର ଲୋକ ଥାନାର ଦ୍ବାରସ୍ଥ ହୋଇ ଏକ ଲିଖିତ ଅଭିଯୋଗ କରିଛନ୍ତି l ଅଭିଯୋଗ ପ୍ରକାରେ ପୋଲିସ ଘଟଣା ସ୍ଥଳ ଓ ଶବ ନିକଟରେ ପହଞ୍ଚି ତଦନ୍ତ ଆରମ୍ଭ କରିଛି l
