ଦାରିଙ୍ଗବାଡ଼ି, ୨୦/୩ : କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଗତ କିଛି ଦିନ ହେବ କାଳ ବୈଶାଖୀ ଘୁର୍ଣ୍ଣିଝଡ଼ ବର୍ଷା ସୃଷ୍ଟି ହୋଇଛି । ଏହି କାଳ ବୈଶାଖୀ ଘୁର୍ଣ୍ଣିଝଡ଼ ବର୍ଷାରେ ଗ୍ରୀନବାଡ଼ି ଗ୍ରାମ ପଞ୍ଚାୟତ ଅନ୍ତର୍ଗତ ଡଙ୍ଗାମାଲା ଗ୍ରାମ ସିଙ୍ଗେରପଦ ସାହିର ମାୟାଧର ପ୍ରଧାନଙ୍କ ଘର ସମ୍ପୂର୍ଣ୍ଣ ନଷ୍ଟ ହୋଇଥିବା ଅଭିଯୋଗ ହୋଇଛି । ଫଳରେ ମାୟାଧର ପରିବାର ବର୍ଷା ଝଡ଼ିରେ ଘରର ସମସ୍ତ ଆସବା ପତ୍ର ସହିତ ଖାଦ୍ୟ ଶସ୍ୟ ନଷ୍ଟ ହୋଇ ସମସ୍ୟାରେ ରହିଥିବା ଜଣାପଡ଼ିଛି । ଘରର କ୍ଷୟକ୍ଷତି ସମ୍ପର୍କରେ ମାୟାଧର ପ୍ରଧାନ ରାଜସ୍ବ ନିରୀକ୍ଷକଙ୍କୁ ଲିଖିତ ଅଭିଯୋଗ କରିଥିବା ସୂଚନା ଦେଇଛନ୍ତି ।ପ୍ରଶାସନ ପକ୍ଷରୁ ପରିବାରଙ୍କୁ ସହାୟତା ଯୋଗାଇ ଦେବାକୁ ଡଙ୍ଗାମାଲା ଗ୍ରାମବାସୀଙ୍କ ଦାବୀ ହେଉଛି ।
