ବୀରମିତ୍ରପୁର : ସୁନ୍ଦରଗଡ଼ ଜିଲ୍ଲାର ବୀରମିତ୍ରପୁର ଥାନା ଅଧୀନରେ ଥିବା ଜଳଙ୍ଗବିରା ପଞ୍ଚାୟତ ଘୁଟୁଟଳି ବସ୍ତିରେ ଘରୋଇ କଳିକୁ କେନ୍ଦ୍ର କରି ଗତ କାଲି ରାତ୍ରରେ ବାଡ଼ିରେ ପିଟିପିଟି ସ୍ତ୍ରୀକୁ ହତ୍ୟା କରିଛି ସ୍ଵାମୀ ! ମୃତକ ଜଣକ ହେଲେ ଫୁଲମଣି ସୋରେଙ୍ଗ ! ପୋଲିସ ହତ୍ୟାକାରୀ ସାମୁଏଲ ସୋରେଙ୍ଗକୁ ଗିରଫ କରି କୋର୍ଟ ଚାଲାଣ କରିଛି ! ସାମୁଏଲ ତାଙ୍କ ପ୍ରଥମ ପତ୍ନୀଙ୍କ ମୃତ୍ୟୁ ଘଟିଥିବା ବେଳେ ସେ ଫୁଲମଣିଙ୍କୁ ଦ୍ଵିତୀୟ ସ୍ତ୍ରୀ କରିଥିଲେ ! ଉଭୟେ ସେହି ବସ୍ତିରେ ରହି କାମ କରି ଯାହା ରୋଜଗାର କରୁଥିଲେ ସେଥିରେ ଚଲୁଥିଲା ପରିବାର ! ବସ୍ତି ବାସିନ୍ଦାଙ୍କ କହିବା ଅନୁଯାୟୀ ଅନେକ ଥର ଉଭୟଙ୍କ ମଧ୍ୟରେ ଝଗଡ଼ା ହେଉଥିଲା ! ସାମୁଏଲ ବାଡ଼ିରେ ଫୁଲମଣିଙ୍କୁ ଘର ଭିତରେ ନିସ୍ତୁକ ମାଡ଼ ମାରିଥିବା ବେଳେ ଘଟଣା ସ୍ଥଳରେ ଫୁଲମଣିଙ୍କ ମୃତ୍ୟୁ ଘଟିଥିଲା ! ବସ୍ତି ବାସିନ୍ଦା ସାମୁଏଲକୁ ମଧ୍ୟାହ୍ନ ପ୍ରାୟ ୧୨ଟା ସମୟରେ ବସ୍ଥିରେ ବୁଲାବୁଲି କରୁଥିବା ଦେଖି ଜାଣିବାକୁ ପାଇଲେ ଯେ ଫୁଲମଣୀଙ୍କ ମୃତ ଦେହ ଘର ଭିତରେ ପଡିଛି ! ଏହା ଜାଣି ପୋଲିସକୁ ସୂଚନା ଦେଇ ଥିଲେ ! ଖବର ପାଇ ଏସ ଡି ପି ଓ ସୁଶାନ୍ତ କୁମାର ଦାଶ,ବୀରମିତ୍ରପୁର ଥାନା ଅଧିକାରୀ ବନ୍ଧନା ପାତ୍ର, ଏସ ଆଇ ନିରୁପମା ମହାପାତ୍ର ଏବଂ ରାଉରକେଲାରୁ ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଞ୍ଚି ଥିଲେ ! ସାମୁଏଲକୁ ପୋଲିସ ଥାନାକୁ ଆଣି ପଚରା ଉଚରା କରିବା ପରେ ବାଡ଼ିରେ ପିଟି ହତ୍ୟା କରିଥିବା ପୋଲିସ ନିକଟରେ ସ୍ବୀକାର କରିଛି ! ପୋଲିସ ଏକ ହତ୍ତ୍ୟା ମାମଲା ରୁଜୁ କରି ସାମୁଏଲକୁ ଆଜି କୋର୍ଟ ଚାଲାଣ କରିଥିବା ପୋଲିସ ପକ୍ଷରୁ ପ୍ରକାଶ l
