ମାଲକାନଗିରି: ଦୀର୍ଘ ଦିନପରେ ମାଲକାନଗିରିବାସୀଙ୍କୁ ମିଳିଛି ଖୁସି ଖବର | ଆସନ୍ତା ୫ ତାରିଖରୁ ମାଲକାନଗିରି ବିମାନ ବନ୍ଦରରୁ ଉଡିବ ଯାତ୍ରୀବାହି ବିମାନ । ଏନେଇ ସୂଚନା ଦେଲେ ଇଣ୍ଡିଆ ଅନ ଏୟାରର ବିମାନ ଅଧିକାରୀ । ଆଜି ମାଲକାନଗିରି ବିମାନ ବନ୍ଦର ରେ ପୁଣି ଥରେ ଇଣ୍ଡିଆ ଅନ୍ ଏୟାର୍ ପକ୍ଷରୁ ଟ୍ରାଏଲ ରନ୍ କରାଯାଇଥିଲା। ଏହି ଅବସରରେ
କ୍ୟାପଟେନ ସବାରିଷ ଏସ କୁମାର, ଏୟାର୍ପୋର୍ଟ ସୁରକ୍ଷା ମ୍ୟାନେଜର ଗୁରିବିଲ୍ଲି ଓ ଇଣ୍ଡିଆ ଅନ୍ ଏୟାର୍ ବିମାନର ରିଜୁନାଲ ମ୍ୟାନେନେଜର ସମ୍ବିଦ କୁମାର ନାୟକ ପ୍ରମୁଖ ମାଲକାନଗିରି ବିମାନ ବନ୍ଦରରେ ଅବତରଣ କରି ରନ୍ ୱେ ଓ ଟର୍ମିନାଲର ତଦାରଖ କରିଥିଲେ । ଜିଲା ପ୍ରଶାସନର ବରିଷ୍ଠ ଅଧିକାରୀ ମାନଙ୍କ ସହ ଆଲୋଚନା କରିବା ସହ ଖୁବ ଶୀଘ୍ର ଏଠାରୁ ଯାତ୍ରୀ ବାହି ବିମାନ ଚଳାଚଳ କରିବ ବୋଲି ଏୟାର୍ପୋର୍ଟ ଅଥୋରିଟି ଅଫ ଇଣ୍ଡିଆର ଏଭିସନ ଆଡଭାଜର ସୁରେଶ ଚନ୍ଦ୍ର ହୋତା ସୂଚନା ଦେଇଛନ୍ତି।
