ଫୁଲବାଣୀ : ଚଳିତ ଶିକ୍ଷାବର୍ଷ ୨୦୨୩-୨୪ ସରକାରୀ ବୃତ୍ତି (୩ୟ, ୫ମ ଓ ନବମ ଶ୍ରେଣୀ)ର ଫଳାଫଳ ସରକାରଙ୍କ ଦ୍ଵାରା ଘୋଷଣା କରାଯାଇଛି। ଉକ୍ତ ପରୀକ୍ଷାରେ ସ୍ଥାନୀୟ ସରସ୍ଵତୀ ଶିଶୁ ବିଦ୍ୟା ମନ୍ଦିରର ୩ୟ ଶ୍ରେଣୀ ଛାତ୍ର ସ୍ଵସ୍ତିକ ସ୍ଵରାଜ ରାଉତ ୧ମ ସ୍ଥାନ ଅଧିକାର କରିଥିବା ବେଳେ ବିସ୍ମୟ ସ୍ଵରାଜ ଦିଗାଲ ତୃତୀୟ ସ୍ଥାନ, ପ୍ରିୟମ୍ବଦା ବିନ୍ଧାଣୀ ଚତୁର୍ଥ ସ୍ଥାନ, ସାଇ ସ୍ନେହା ସାହୁ ପଞ୍ଚମ ସ୍ଥାନ ଅଧିକାର କରିଛନ୍ତି l ସେହିପରି ୫ ମ ଶ୍ରେଣୀର ନିଖିଲେଶ ସାହୁ ୧ ମ ସ୍ଥାନ ଅଧିକାର କରିଥିବା ବେଳେ ସ୍ଵାଧୀନ ସାହୁ ଦ୍ଵିତୀୟ ସ୍ଥାନ, ଆଦ୍ୟାଶା କହଁର ଚତୁର୍ଥ ସ୍ଥାନ ଓ ଆଦ୍ୟାଶା ମହାକୁଡ଼ ଷଷ୍ଠ ସ୍ଥାନ କରିଛନ୍ତି l ସେହିଭଳି ଏନ ଆର ଟି ଏସ ରେ ନବମ ଶ୍ରେଣୀର ଅନ୍ବେଷା ସାହୁ ପ୍ରଥମ ସ୍ଥାନ ଅଧିକାର କରିଥିବା ବେଳେ ଅର୍ଚ୍ଚିତା ଲହରିଆ ଦ୍ବିତୀୟ ସାଇ ଶ୍ରିୟା ସାହୁ ତୃତୀୟ, ଅଭିଲିପ୍ସା ମଲ୍ଲିକ ପଞ୍ଚମ, ବି. ବିଷ୍ନୁ ପ୍ରିୟା ଷଷ୍ଠ ଓ ସ୍ଵସ୍ତିକ ସାହାଣୀ ସପ୍ତମ ସ୍ଥାନ ଅଧିକାର କରି ଅନୁଷ୍ଠାନକୁ ଗୌରବାନିତ୍ୱ କରିଛନ୍ତି। ଉକ୍ତ କୃତି ଛାତ୍ରଛାତ୍ରୀଙ୍କ ପଶ୍ଚାଦ ପଟ୍ଟରେ ଥିବା ଶୁଭେଚ୍ଛୁ ଆଚାର୍ଯ୍ୟ, ଆଚାର୍ଯ୍ୟା, ଅଭିଭାବକ, ଅଭିଭାବିକା ତଥା ବିଦ୍ୟାଳୟର ପ୍ରଧାନ ଆଚାର୍ଯ୍ୟ ରାଜେନ୍ଦ୍ର କୁମାର ପାଢ଼ୀଙ୍କୁ ପରିଚାଳନା କମିଟି ତରଫରୁ ଯଥେଷ୍ଟ କୃତଜ୍ଞତା ଜ୍ଞାପନ କରିବା ସହିତ ଉକ୍ତ ଛାତଛାତ୍ରୀଙ୍କ ଉତ୍ତରୋତ୍ତର ଉନ୍ନତି କାମନା କରାଯାଇଛି।
