ଦେବଗଡ଼,୧୫ା୨: ରିଆମାଳ ବ୍ଲକ ଉଟୁଣିଆ ଗ୍ରାମ ପଂଚାୟତ ଅନ୍ତର୍ଗତ ହାଡସଂହାର ଖେଳ ପଡିଆଠାରେ ବାବା ୱାରିୟର କ୍ରିକେଟ କ୍ଲବ ଆନୁକୂଲ୍ୟରେ ଗତକାଲି ଠାରୁ ଆରମ୍ଭ ହୋଇଥିବା ଦ୍ୱି’ ଦିବସୀୟ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି । ଆଜିର ଫାଇନାଲ ମ୍ୟାଚରେ ବାଘବରର ତ୍ରିନାଥ କ୍ରିକେଟ କ୍ଲବକୁ ପରାସ୍ତ କରି ଆୟୋଜକ ବାବା ୱାରିୟର କ୍ରିକେଟ କ୍ଲବ ଚମ୍ପିୟାନ ହୋଇଛି । ଫାଇନାଲ ମ୍ୟାଚକୁ ଅମ୍ପାୟାର ଭାବେ ଉଦୟ ସାହୁ ଓ ଗୋକୁଳ ଲୁହୁରା ପରିଚାଳନା କରିଥିଲେ । ଭାଷ୍ୟକାର ଭାବେ ରମେଶ କୁମାର ମ୍ୟାଚର ମ୍ୟାଚର ଧାରା ବିବରଣୀ ପ୍ରଦାନ କରିଥିଲେ । ଅପରାହ୍ନରେ ଆୟୋଜକ ବାବା ୱାରିୟର କ୍ରିକେଟ କ୍ଲବର ସଭାପତି ଟୁକୁ ସାହୁଙ୍କ ସଭାପତିତ୍ୱରେ ଆୟୋଜିତ ଉଦଯାପନୀ ତଥା ପୁରସ୍କାର ବିତରଣୀ ଉତ୍ସବରେ ମୂଖ୍ୟ ଅତିଥି ଭାବେ ଦେବଗଡ ପୌର ପରିଷଦ ଅଧ୍ୟକ୍ଷା ଶାନ୍ତି ମଞ୍ଜରୀ ଦେଇ ଓ ସମ୍ମାନୀତ ଅତିଥି ଭାବେ ଉଟୁଣିଆ ଗ୍ରାମ ପଂଚାୟତର ସରପଂଚ ରଶ୍ମିତା ପ୍ରଧାନ ଯୋଗଦେଇ ନିଜ ନିଜର ବକ୍ତବ୍ୟ ଉପସ୍ଥାପନ କରିବାସହ ଚମ୍ପିୟାନ ବାବା ୱାରିୟର କ୍ରିକେଟ କ୍ଲବ ଓ ରନର୍ସ ଅପ୍ ବାଘବର ତ୍ରିନାଥ କ୍ରିକେଟ କ୍ଲବକୁ ଟ୍ରଫି ସହ ନଗଦ ଅର୍ଥ ପୁରସ୍କାର ପ୍ରଦାନ କରିଥିଲେ । ଶେଷରେ କ୍ଲବର ସମ୍ପାଦକ ସଦାନନ୍ଦ ନାୟକ
ଧନ୍ୟବାଦ ଅର୍ପଣ କରିଥିଲେ । ପ୍ରତିଯୋଗିତା ଆୟୋଜନରେ ଦିଲ୍ଲିପ ପ୍ରଧାନ, ବିକାଶ ସାହୁ, ରାକେଶ ସାହୁ, ଲୁଟୁ ନାୟକ, ଭୋଳେଶ୍ୱର ଉଦାବର, ଜିତେନ୍ଦ୍ରୀୟ ପ୍ରଧାନ,ଚିକୁନ ନାୟକ ଓ ଦୀପକ ସାହୁଙ୍କ ସମେତ କ୍ଲବର ସମସ୍ତ ସଦସ୍ୟ ଓ କର୍ମକର୍ତା ସକ୍ରୀୟ ସହଯୋଗ କରିଥିଲେ ।
