ଏହା ପଶ୍ଚିମ-ଉତ୍ତରପଶ୍ଚିମ ଆଡକୁ ମୁହାଁଇବ ବୋଲି ପାଣିପାଗ ବିଭାଗ ଆକଳନ କରିଛି । ଏହା ଦକ୍ଷିଣପୂର୍ବ ବଙ୍ଗୋପସାଗରରେ ନଭେମ୍ବର ୨୯ ତାରିଖରେ ଅବପାତରେ ପରିଣତ ହେବ । ଏହା ପରେ ଉତ୍ତରପଶ୍ଚିମ ଦିଗକୁ ମୁହାଁଇ ପରବର୍ତ୍ତୀ ୪୮ ଘଣ୍ଟା ମଧ୍ୟରେ ବାତ୍ୟା ରୂପ ନେବ ବୋଲି ଆକଳନ କରାଯାଉଛି ।
ଯଦିଓ ଏହା କେବେ କେଉଁଠି ଲାଣ୍ଡଫଲ କରିବ ସେ ନେଇ ପାଣିପାଗ ବିଭାଗ ସ୍ପଷ୍ଟ କରିନାହିଁ ତଥାପି ଏହା ଆନ୍ଧ୍ର ଏବଂ ଦକ୍ଷିଣ ଓଡ଼ିଶା ଉପକୂଳ ଦେଇ ଡିସେମ୍ବର ୫ ତାରିଖରେ ଅତିକ୍ରମ କରିବ ବୋଲି କୁହାଯାଉଛି । ତେବେ ଏହା ଭୀଷଣ ବାତ୍ୟା ରୂପ ନେବା ସମ୍ଭାବନା ଥିବା ଅନୁମାନ କରାଯାଉଛି ।
ଯଦି ଏହି ଲଘୁଚାପ ବାତ୍ୟା ରୂପ ନିଏ ତେବେ ଏହାର ନାମ ମିଚୁଆଙ୍ଗ ରହିବ । ଏହି ବାତ୍ୟାର ନାମକରଣ କରିଛି ମ୍ୟାମାଁର ।
