ଦିଲ୍ଲୀରୁ ଆସିଥିଲେ ବରଯାତ୍ରୀ। ନଏଡାର ସେକ୍ଟର ୩୭ ରାସ୍ତା ଦେଇ ଗ୍ରେଟର ନଏଡା ଓ୍ୱେଷ୍ଟରେ ବରଯାତ୍ରୀ ପହଞ୍ଚିଥିଲା। ବର ସହ ପୂରା ବରଯାତ୍ରୀ ଗ୍ୟାଙ୍ଗ ବାହାରିଥିଲେ। ଏହି ସମୟରେ ମୁଖ୍ୟ ରାସ୍ତା ଉପରେ ବରଯାତ୍ରୀ ଉତ୍ପାତ ଦେଖାଇଥିଲେ। ପୂରାପୁରି ଟସନ୍ ମୁଡ୍ରେ ମୁଖ୍ୟ ରାସ୍ତା ଉପରେ କରିଥିଲେ ଷ୍ଟଣ୍ଟ। ଜୋରଦାର୍ରେ ଗାଡିର ସାଇରନ୍ ବଜାଇ ନୋଟ୍ ଉଡାଇଥିଲେ। ଏହି ଘଟଣାର ଏକ ଭିଡିଓ ସୋଶାଲ ମିଡିଆରେ ଜୋରସୋର୍ରେ ଭାଇରାଲ ହୋଇଛି।
ଭିଡିଓ ଭାଇରାଲ ହେବା ପରେ ଆକ୍ସନ ମୁଡ୍କୁ ଆସିଛି ନଏଡା ପୁଲିସ। ଏହି ମାମଲାରେ ୫ଟି ବରଯାତ୍ରୀ ଗାଡ଼ିକୁ ଜବତ କରାଯାଇଛି। ଏଥିସହ ୧୨ଟି ଗାଡି ନାଁରେ ଚାଲାଣ କଟିଛି। ପ୍ରତିଟି ଗାଡ଼ି ପିଛା ୩୩ ହଜାର ଟଙ୍କା ଲେଖାଏଁ ଫାଇନ୍ ପଡିଛି। ଫଳରେ ଯାତ୍ରୀଙ୍କୁ ମୋଟ ୩ ଲକ୍ଷ ୯୬ ହଜାର ଟଙ୍କା ଫାଇନ୍ ଗଣିବାକୁ ପଡିଛି। ବିସରଖ ପୁଲିସ ଥାନରେ ଏହି ମାମଲାରେ ଏଫ୍ଆଇଆର୍ ରୁଜୁ କରି ୫ ଜଣଙ୍କୁ ଗିରଫ କରାଯାଇଛି।
