ସଂସଦରେ ନିଜ ଦଳର ସାଂସଦମାନଙ୍କୁ ଦେଇଥିବା ଭାଷଣରେ ଏର୍ଡୋଗାନ୍ କହିଛନ୍ତି ଯେ ତୁର୍କୀର ଭଲ ଉଦ୍ଦେଶ୍ୟର ଫାଇଦା ଉଠାଇଛି ଏବଂ ସେ ପୂର୍ବ ଯୋଜନା ଅନୁଯାୟୀ ଇସ୍ରାଏଲ ଯିବେ ନାହିଁ।
ଖାଲି ସେତିକି ନୁହେଁ, ଗାଜା ଉପରେ ଆକ୍ରମଣ ବନ୍ଦ କରିବା ପାଇଁ ଇସ୍ରାଏଲ ଉପରେ ଚାପ ପକାଇବାକୁ ସେ ବିଶ୍ୱ ଶକ୍ତିମାନଙ୍କୁ ଅନୁରୋଧ କରିଛନ୍ତି। ଭାଷଣରେ ଏର୍ଡୋଗାନ୍ କହିଛନ୍ତି ଯେ ମାନବିକ ସହାୟତା ପାଇଁ ରାଫା ସୀମା ଦ୍ୱାର ଖୋଲା ରଖାଯିବା ଉଚିତ ଏବଂ ଦୁଇ ପକ୍ଷ ମଧ୍ୟରେ ବନ୍ଧକଙ୍କୁ ମୁକ୍ତ କରିବା ପ୍ରକ୍ରିୟା ଶେଷ ହେବା ଉଚିତ। ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧକୁ ରୋକିବାରେ ଜାତିସଂଘ ଅସମର୍ଥ ହୋଇଥିବାରୁ ସେ ଅସନ୍ତୋଷ ବ୍ୟକ୍ତ କରିଛନ୍ତି।
