ଛତ୍ରପୁର : ଛତ୍ରପୁର ନୀଳକଣ୍ଠେଶ୍ଵର ସାହିର ଯୁବଗୋଷ୍ଠୀ ପକ୍ଷରୁ ଚଳିତ ବର୍ଷ ଶ୍ୟାମାକାଳୀ ପୂଜା ଧୂମଧାମ ରେ ପାଳନ କରିବା ନିମନ୍ତେ ଜୋରଦାର ପ୍ରସ୍ତୁତି ଆରମ୍ଭ ହୋଇଯାଇଛି l ଏନେଇ ଗୁରୁବାର ସନ୍ଧ୍ୟାରେ ନୀଳକଣ୍ଠେଶ୍ଵର ମନ୍ଦିର ନିକଟରେ ଶୁଭଖୁଣ୍ଟି ସ୍ଥାପନ କରାଯାଇଛି l କର୍ମକାଣ୍ଡ ବିଶେଷଜ୍ଞ ସରୋଜ କୁମାର ଶତପଥୀ ଙ୍କ ତତ୍ୱାବଧାନ ରେ ପୁରୋହିତ ରାହୁଲ କୁମାର ଦାସ ନୀତିନିୟମ ଅନୁଯାୟୀ ପୂଜାର୍ଚନା କରାଯାଇଛି l କର୍ତା ଭାବେ ଅଭିଜିତ ଚୌଧୁରୀ ଦାୟୀତ୍ବ ତୁଲାଇଥିବା ବେଳେ ଆଦିତ୍ୟ ନାରାୟଣ ଦାସ, ମହେଶ ଗୌଡ଼, ଆଇନଜୀବୀ ପ୍ରଶାନ୍ତ କୁମାର ଶତପଥୀ, ନିରଞ୍ଜନ ଚୌଧୁରୀ,ରିତେଶ କୁମାର ସେନାପତି,ରାଧେଶ୍ୟାମ ଫାଉଣ୍ଡେସନ ଏଣ୍ଡ ଚାରିଟେବୁଲ ଟ୍ରଷ୍ଟ ର ସଭାପତି ତଥା 10ନଂ ୱାର୍ଡ କାଉନସିଲର ଦେବାଶିଷ ମିଶ୍ର, ବିଜୁ ଜନତା ଦଳର ଛତ୍ରପୁର ନଗର ଉପସଭାପତି ଅଟଳ ବିହାରୀ ପଟ୍ଟନାୟକ ଙ୍କ ସମେତ ବହୁ ଶ୍ରଦ୍ଧାଳୁ ମାନେ ଉପସ୍ଥିତ ଥିଲେ l
