ମାଲକାନଗିର(୨୭/୦୯) : ମାଲକାନଗିରି ଜିଲ୍ଲାର ମାର୍କାପଲ୍ଲୀ ଗ୍ରାମ ପଞ୍ଚାୟତ ଅନ୍ତର୍ଗତ ଥାପାଗୁଡା ଆଶ୍ରମ ବିଦ୍ୟାଳୟ ପ୍ରାଙ୍ଗଣରେ “ଆମେ ଜାଣିବା ଏବଂ ଆମେ ଜିଣିବା” କାର୍ଯ୍ୟକ୍ରମ ଆୟୋଜିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ DIC ଶ୍ରୀଯୁକ୍ତ ଗଦାଧର ମିଶ୍ର, ସ୍ଥାନୀୟ ଜିଲ୍ଲା ପରିଷଦ କୃଷ୍ଣଚନ୍ଦ୍ର ଅନୁଗୁ, ସମିତି ସଭ୍ୟ ସହଦେଵ ମୁଦୁଲି,ସରପଞ୍ଚ ତ୍ରିନାଥ ପଡ଼ିଆମୀ, RBSK ଗୀତାଞ୍ଜଳୀ ପଣ୍ଡା, ନନ୍ଦକୃଷ୍ଣ ପୂଜାରୀଙ୍କ ସମେତ ସମରା ଗାରମି ସମସ୍ତ ସଭ୍ୟ ଉପସ୍ଥିତ ରହିଥିଲେ । କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଆରତୀ ଚାଟ୍ଟାର୍ଜୀ ସଭାପତି ପଦ ଅଳକୃତ କରିଥିବା ବେଳେ ବିଦ୍ୟାଳୟର ବରିଷ୍ଠ ଶିକ୍ଷକ କିଶୋର୍ ମଣ୍ଡଳ, ତ୍ରିବେଣୀ ନାୟକ, ଗୀତାଞ୍ଜଳୀ ପାଣିଗ୍ରାହୀ ଏବଂ ଲକ୍ଷ୍ମଣ କୁମାର ଶୀଶା ଓ ମିନାରାଣୀ ସରକାର ( ANM ) କାର୍ଯ୍ୟକ୍ରମକୁ ସଫଳ କରିବାକୁ ଚେଷ୍ଟା କରିଥିଲେ । ଏହା ସହ ଛାତ୍ର ଛାତ୍ରୀ ମାନଙ୍କ ଦ୍ୱାରା ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରାଯାଇଥିଲା ଯାହା ସଭାର ଅନ୍ୟତମ ଆକର୍ଷଣର ବିନ୍ଦୁ ପାଲଟିଥିଲା। ଉପସ୍ଥିତ ଅତିଥିମାନେ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଅଭିଭାଷଣ ରଖିଥିଲେ । ଶେଷରେ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଜଣାଇ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ କାର୍ଯ୍ୟକ୍ରମକୁ ସମାପ୍ତ କରିଥିଲେ ।
