ହିଞ୍ଜିଳିକାଟୁ ୧୪!୯ କେନ୍ଦ୍ରୀୟ ବିଦ୍ୟାଳୟ ହିଞ୍ଜିଳିକାଟୁ ରେ ନୁତନ ଅଧ୍ଯକ୍ଷ ଭାବେ ରଞ୍ଜନ କୁମାର ବେହେରା ଯୋଗ ଦେଇଛନ୍ତି । କେନ୍ଦ୍ରୀୟ ବିଦ୍ୟାଳୟ ହିଞ୍ଜିଳିକାଟୁ ର ଅଧ୍ଯକ୍ଷ ହରିହର ପଣ୍ଡା ଙ୍କ ୨୦୧୯ ମସିହାରେ ବଦଳି ପରେ ଅସ୍ଥାୟୀ ଅଧ୍ୟକ୍ଷ ଭାବେ ବିଦ୍ୟାଳୟ ରେ ଦୁଇ ଜଣ ଶିକ୍ଷକ ଙ୍କ ସହ ଜଣେ ଲାଇବ୍ରେରୀ ଆସିଷ୍ଟାଣ୍ଟ କାର୍ଯ୍ୟଭାର ତୁଲାଇ ଆସୁଥିଲେ। ଅଭିଭାବକମାନେ ବହୁ ଅଭିଯୋଗ ପରେ ଗୁରୁବାର କେନ୍ଦ୍ରୀୟ ବିଦ୍ୟାଳୟ-, ହିଞ୍ଜିଳିକାଟୁ ର ନୁତନ ଅଧ୍ଯକ୍ଷ ରଞ୍ଜନ କୁମାର ବେହେରା ଙ୍କୁ ସ୍ବାଗତ କରାଯାଇଛି । ଗୁରୁବାର ହିଞ୍ଜିଳିକାଟୁ ରେ ତାଙ୍କର ପ୍ରଥମ କାର୍ଯ୍ୟ ଦିବସ ରେ ବିଦ୍ୟାଳୟ ର ଶିକ୍ଷକ ଶିକ୍ଷୟତ୍ରୀଙ୍କ ସହ ଅଭିଭାବକ ସଂଘର ସଦସ୍ଯ ମାନେ ସ୍ବାଗତ କରିଥିଲେ। ଅଧ୍ୟକ୍ଷ ରଞ୍ଜନ କୁମାର ବେହେରା କେନ୍ଦ୍ରୀୟ ବିଦ୍ୟାଳୟ-ଗାର୍ଡେନରିଚ କୋଲକାତା ର ଅଧ୍ଯକ୍ଷ ଭାବେ ସୁଚାରୁ ରୁପେ ଦାୟିତ୍ୱ ତୁଲାଇବା ପରେ ହିଞ୍ଜିଳିକାଟୁ କୁ ବଦଲି ହୋଇ ଆସିଛନ୍ତି। କେନ୍ଦ୍ରୀୟ ବିଦ୍ୟାଳୟ ଛାତ୍ରଛାତ୍ରୀ ମାନଙ୍କ ଶୈକ୍ଷିକ ବିକାଶ ସହ ବିଦ୍ୟାଳୟ ର ଭିତିଭୂମି ର ବିକାଶ ପାଇଁ କାର୍ଯ୍ୟ କରିବେ ବୋଲି କହିଛନ୍ତି। ନୁତନ ଅଧ୍ଯକ୍ଷ ଶିକ୍ଷକ ଅଭିଭାବକ ସଂଘ ପକ୍ଷରୁ ପୁଷ୍ପ ଗୁଚ୍ଛ ଦେଇ ସ୍ବାଗତ କରାଯାଇ ଥିଲା। ବିଦ୍ୟାଳୟ ର ସ୍ବତନ୍ତ୍ର ପରିଚୟ ତିଆରି କରିବା ଦିଗରେ ଛାତ୍ରଛାତ୍ରୀ ଏବଂ ଶିକ୍ଷକ ଶିକ୍ଷୟତ୍ରୀଂକ ସହ ଅଭିଭାବକ ମାନଂକ ସହଯୋଗ କାମନା କରିଥିଲେ।
