ମାଲକାନଗିରି : ମାଲକାନଗିରି ଜିଲ୍ଲାକୁ ଆସନ୍ତା ୧୫ ତାରିଖରେ ବରିଷ୍ଠ ବିଜେପି ନେତ୍ରୀ ତଥା ସାଂସଦ ଅପରାଜିତା ଷଡଙ୍ଗୀ ଆସୁଥିବା ବେଳେ ଏହାକୁ ନେଇ ଆଜି ମାଲକାନଗିରି ବିକାଶ ପରିଷଦ ପକ୍ଷରୁ ଏକ ପ୍ରସ୍ତୁତି ବୈଠକହୋଟେଲ ସ୍ଵଗତ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ବିକାଶ ପରିଷଦର ଆବାହକ ଇ ପ୍ରସାଦ ରାଓ ଅଧକ୍ଷତା କରିଥିବା ବେଳେ ଭୁବନେଶ୍ଵରରୁ ଆସିଥିବା ଟିମ ଅପରାଜିତାର ବରିଷ୍ଠ କାର୍ଯ୍ୟକର୍ତ୍ତା ଜୀବନ ସାହୁ ଉପସ୍ଥିତି ଥିଲେ । ଏହି ବୈଠକରେ ଶ୍ରୀମତୀ ଷଡଙ୍ଗୀ ଙ୍କ ଗସ୍ତକୁ ନେଇ ବିଭିନ୍ନ ବିଷୟରେ ଆଲୋଚନା କରଯାଇଥିଲା । ବିଶେଷ କରି ଆସନ୍ତା ୧୫ ତାରିଖରେ ଶ୍ରୀମତୀ ଷଡଙ୍ଗୀ ଜିଲ୍ଲା ଗସ୍ତରେ ଆସିବା ସମୟରେ ପ୍ରଥମେ ଜିଲ୍ଲାର ପ୍ରବେଶ ପଥରେ ଥିବା ଗୋବିନ୍ଦପଲ୍ଲୀ ଓ ମାଥିଲିରେ ଠାରେ ସ୍ଵାଗତ ସମ୍ବର୍ଦ୍ଧନା ଦିଆଯିବ, ଏହାପରେ ମାଲକାନଗିରି ଜିଲ୍ଲା ସଦରରେ ଥିବା ବସଷ୍ଟାଣ୍ଡ ରୁ ତାଙ୍କୁ ସ୍ଵାଗତ ସମ୍ବର୍ଦ୍ଧନା ଦେଇ ଏକ ବିଶାଳ ପଦ ଯାତ୍ରାରେ ତାଙ୍କୁ ପାଛୋଟି ଆଣି ଦଣ୍ଡକାରଣ୍ୟ ଖେଳ ପଡିଆରେ ଆୟୋଜିତ ହେବାକୁ ଥିବା ସଭାରେ ଯୋଗ ଦେବାକୁ ନିଆ ଯିବା ପାଇଁ ନିଷ୍ପତ୍ତି ନିଯାଇଥିଲା । ଆଜିର ଏହି ବୈଠକରେ ମାଲକାନଗିରି ଜିଲ୍ଲା ଅନେକ ବିଜେପି ପଦାଧିକାରୀ ତଥା ବିକାଶ ପରିଷଦର ଅନେକ ସଦସ୍ୟ ଉପସ୍ଥତି ରହି ଏହି କାର୍ଯ୍ୟକ୍ରମରେ ନିଜର ମତ ରଖିବା ସହ ଏହାର ସୁପରିଚାଳନାରେ ସହଯୋଗ କରିଥିଲେ । ଏହି ବୈଠକରେ ଅନ୍ୟ ମାନଙ୍କ ମଧ୍ୟରେ ଭୂବନେଶ୍ବରରୁ ଯୋଗ ଦେଇଥିବା ଅତିଥି ମାନଙ୍କ ମଧ୍ୟରେ ନିଶିକାନ୍ତ ନାୟକ, ରଶ୍ମୀ ରଞ୍ଜନ ଲେଙ୍କା, ବିଜୟ କୁମାର ମିଶ୍ର ପ୍ରମୁଖ ଉପସ୍ଥିତ ରହିଥିଲେ ।
